قىتاي دەپۋتاتتارى 2015-جىلى ەلدى دامىتۋ جوسپارىن قابىلدادى

بەيجىڭ. قازاقپارات - جەكسەنبى كۇنى بۇكىل قىتايلىق حالىق وكىلدەرى جينالىسىنىڭ 5- ناۋرىزدا اشىلعان جىل سايىنعى سەسسياسى ءوز جۇمىسىن اياقتادى.

قىتايلىق زاڭ شىعارۋشىلار سەسسيا جۇمىسىنىڭ ءبىرىنشى كۇنىندە ق ح ر مەملەكەتتىك كەڭەسىنىڭ پرەمەرى لي كىشياڭ مالىمدەمە جاساعان ۇكىمەت جۇمىسىنىڭ ەسەپتىك بايانداماسى بويىنشا قارار قابىلدادى. دەپۋتاتتار ۇكىمەتتىڭ جۇمىسىن ماقۇلداپ، 12-بەس جىلدىقتىڭ سوڭعى 2015-جىلعى ەلدى ەكونوميكالىق جانە الەۋمەتتىك دامىتۋ جوسپارىن قابىلدادى.

سەسسيا جابىلار الدىندا زاڭ شىعارۋشىلار 2015-جىلعى مەملەكەتتىك بيۋجەتتى دە قابىلداپ، بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ، جوعارعى سوت پەن باس پروكۋراتۋرانىڭ جۇمىسىن ماقۇلدادى، زاڭ شىعارۋشىلىق تۋرالى زاڭعا وزگەرىستەر ەنگىزدى، سونداي-اق بۇكىل قىتايلىق حالىق وكىلدەرى جينالىسى تۇراقتى كوميتەتىنىڭ كادرلىق قۇرامى بويىنشا شەشىمدەر قابىلدادى.

سەسسيا اياقتالعان سوڭ لي كىشياڭنىڭ باسپا ءسوز ءماسليحاتى بولىپ ءوتتى. ول قىتايلىق جانە شەتەلدىك تىلشىلەردىڭ 17 سۇراعىنا جاۋاپ بەردى. «قازاقپارات» نازارىڭىزعا ونىڭ بەرگەن جاۋاپتارىنىڭ نەگىزگى تەزيستەرىن ۇسىنادى:

- 2015-جىلى قىتايدىڭ بيلىك كوزدەرى ج ءى و- ءنىڭ 7 پايىز دەڭگەيىندەگى ءوسىمىن قولدايدى؛

- قىتاي ۇكىمەتى شياڭگاڭعا قاتىستى ساياساتىن قاتاڭداتپايدى؛

- ۇكىمەت بالا تۋۋدى جوسپارلاۋ ساياساتىنىڭ بولۋى مۇمكىن جۇمسارتۋ ماسەلەسىن زەرتتەۋ ۇستىندە؛

- قىتاي باسشىلىعى جەمقورلىقپەن كۇرەسىن جالعاستىرۋدى كوزدەپ وتىر؛

- بيىلعى جىلدىڭ قاڭتار ايىندا ق ح ر- دىڭ كۇشىنە ەنگەن قورشاعان ورتانى قورعاۋ تۋرالى زاڭى قاتاڭ تۇردە ورىندالاتىن بولادى. لاستايتىن قالدىقتاردى زاڭسىز تاستايتىن كاسىپورىندار جازاعا ۇشىرايدى؛

- قىتايلىق ۇكىمەت ەكونوميكالىق ءوسىمنىڭ باسەڭدەۋى جاعدايىندا نارىقتى جانداندىرۋ ماقساتىمەن كاسىپكەرلىكتەگى «بوگەتتەردى جويىپ، جول سالۋدى» جالعاستىرادى. بيزنەستى باستاۋدا سوڭعى 2 جىلدا ۇشتەن ءبىر بولىككە قىسقارتىلعان رۇقسات بەرۋ پروتسەدۋرالارى جەڭىلدەتىلەدى. بۇل كاسىپكەرلەر مەن شارۋاشىلىق سۋبەكتىلەردىڭ سانىن 50 پايىزعا كوبەيتۋگە مۇمكىندىك بەردى؛

- بەيجىڭ رەفورمالارىن جالعاستىرادى، سونىڭ ىشىندە قىتاي ءالسىز دامىعان اۋداندارداعى الەۋمەتتىك تۇرعىن ۇيلەردىڭ قۇرىلىسىن 1 ميلليون بىرلىككە دەيىن ارتتىرادى؛

- قىتاي مەن ا ق ش- تىڭ ساۋدا-ەكونوميكالىق بايلانىستارى ودان دا تىعىز بولۋى مۇمكىن، وعان ق ح ر ءتوراعاسى شي جينپيڭنىڭ الداعى ۋاقىتتا ا ق ش- قا جاساعان ساپارى سەپتىگىن تيگىزبەكشى؛

- قىتاي ۋكراينا ماسەلەسىندە وبەكتيۆتى جانە ءادىل پوزيتسيانى ۇستانىپ، بۇل ەلدىڭ تاۋەلسىزدىگىن، ەگەمەندىگى مەن ايماقتىق تۇتاستىعىن قۇرمەتتەيدى؛

- ەكىنشى دۇنيە جۇزىلىك سوعىستاعى جەڭىستىڭ 70 جىلدىعىندا قىتايلىق-جاپوندىق قاتىناستار الدىندا «سىناقتار دا، مۇمكىندىكتەر دە» تۇر.