الەمدىك كينەماتوگرافيا 2015-جىلى كورەرمەندەردى تىڭ تۋىندىلارمەن تامساندىرماق

استانا. قازاقپارات - الەمدىك كينەماتوگرافيا سالاسى ءۇشىن 2015-جىل تابىستى جىل بولماق، سەبەبى قارجىلىق تۇرعىسىنان كوپ پايدا اكەلەدى دەگەن ۇمىتپەن ۇكىلەپ وتىرعان ءبىرقاتار تۋىندىلار كورەرمەندەرگە جول تارتپاق، دەپ جازادى لوندوندىق Times گازەتى.

ءبىرىنشى كەزەكتە باسىلىم 007 اگەنتى دجەيمس بوند تۋرالى قازىر بريتاندىق رەجيسسەر سەم مەندەس ءتۇسىرىپ جاتقان «سپەكتر» جانە «جۇلدىزدى سوعىس» ەپوپەياسىنىڭ كەزەكتى سەرياسىن - امەريكاندىق رەجيسسەر دجەي ابرامس ءتۇسىرىپ جاتقان «جۇلدىزدار سوعىسى. VII ەپيزود: كۇش ءبىتۋ» تۋىندىلارىن اتاپ وتەدى. بۇل فيلمدەر ەكرانعا سايكەسىنشە اعىمداعى جىلدىڭ قازان جانە جەلتوقسان ايلارىندا شىعۋى ءتيىس.

سونداي-اق 2015-جىلدىڭ جەلتوقسان ايىندا كوپشىلىكتى سۇيىكتى اكتەرلەرى توم كرۋز «ورىندالمايتىن ميسسيا»، ارنولد شۆارتسەنەگگەر «تەرميناتور: گەنەزيس» (شىلدە ايىندا كورەرمەنگە جول تارتادى)، كىشى روبەرت داۋني «كەك الۋشىلار: الترون ءداۋىرى» (مامىر ايىندا كورسەتىلەدى) سىندى شىعارمالارداعى رولدەرىمەن قۋانتپاق.

Walt Disney Pictures كينوستۋدياسى مامىر ايىندا ءوزىنىڭ ايگىلى «كۇل-قىز» («زولۋشكا») كارتيناسىنىڭ جاڭا نۇسقاسىن جۇرتشىلىق نازارىنا ۇسىنادى. ال قازان ايىندا «دجۋنگلي كىتابى» مۋلتيپليكاتسيالىق تۋىندىسىنىڭ جاڭا ءتۇرىن جارىققا شىعارادى.

تەليەۆيزيالىق تۋىندىلارعا كەلەتىن بولساق، بيرتاندىق BBC مەديا توبى وسى ايدا ورىس جانە الەم ادەبيەتىنىڭ كلاسسسيگى ليەۆ تولستويدىڭ «سوعىس جانە بەيبىتشىلىك» رومانى بويىنشا 6 سەريالى كارتينانى ءتۇسىرۋ جۇمىستارىن باستايدى. ۇزاقتىعى التى ساعاتقا سوزىلاتىن بۇل تۋىندى توپتىڭ BBC -1 تەلەارناسىنان 2015-جىلدىڭ سوڭىندا كورسەتىلمەك، دەپ حابارلايدى ت ا س س.