كەلەسى 2015 - جىل تاۋەلسىزدىكتى كوكسەگەن ۇلتتار جىلى
رەسمي لوندون بىرنەشە مارتە ەۋرووداق قۇرامىنان شىقپاق نيەتىن اشىق بىلدىرسە، ۇلى بريتانيانىڭ ءوزى كەيىن شوتلاندياسىنان قول ءۇزىپ قالا جازدادى.
ال يسپانيادان ءبولىنىپ شىعۋعا قۇلشىنعان كاتالونيا ەشقانداي تىيىمعا قاراماستان قوعامدىق ساۋالناما جۇرگىزىپ، رەسمي مادريدتى قىسپاققا الدى.
ەۋروپالىق حالىقتاردىڭ تاۋەلسىزدىكتى كوكسەۋىنە نە اسەر ەتىپ وتىر؟ 18 - قىركۇيەك كۇنى شوتلانديادا تاۋەلسىزدىك الۋعا بايلانىستى رەفەرەندۋم ءوتتى. بىرىككەن كورولدىكتىڭ قۇرامىندا قالۋعا حالىقتىڭ %55,3 ى، ال ەگەمەندىك الۋعا %44,7 ى نيەت ءبىلدىردى.
وسىلايشا، ۇلى بريتانيانىڭ ەكونوميكالىق جۇيەسى السىرەپ، ابىرويىنان ايىرىلۋىنىڭ ءسال-اق الدىندا قالدى. تاۋەلسىزدىكتى قۇپتاعاندار رەفەرەندۋمدا جەڭىلگەنمەن، رەسمي لوندوننان ءبىرقاتار جەڭىلدىككە يە بولدى.
دەۆيد كەمەروننىڭ ۇكىمەتىنە شوتلانديانىڭ سالىق تولەۋ، شىعىن جانە الەۋمەتتىك قامسىزداندىرۋ ماسەلەلەرى بويىنشا وكىلەتتىگىن ارتتىرۋعا ءماجبۇر بولدى. ال يسپانيا قۇرامىنداعى كاتالونيا جالپىۇلتتىق ساۋالناما جۇرگىزدى.
سەبەبى رەسمي مادريد رەفەرەندۋم وتكىزۋگە تىيىم سالدى. سوعان قاراماستان اۆتونوميانىڭ 2 ميلليون 250 مىڭنان استام تۇرعىنى داۋىس بەرۋگە قاتىسىپ، %80,7 ى تاۋەلسىزدىكتى كوكسەيتىندەرىن ءبىلدىردى.
شارا قوعامدىق پىكىردى انىقتاۋ ماقساتىندا ۇيىمداستىرىلعاندىقتان زاڭدى كۇشى بولعان جوق. دەگەنمەن ساۋالناما كاتالونيالىق سەپاراتيستەردىڭ تاريحي جەڭىسىنە اينالدى. كەيبىر مالىمەتتەر بويىنشا، ەۋرووداقتاعى سەپاراتيستىك جانە ايماق-ايماققا ءبولىنۋ ءۇردىسى ۋاقىت وتكەن سايىن ارتىپ كەلەدى.
سەبەبى وعان اسەر ەتۋشى جاعداياتتار كۇننەن-كۇنگە كۇشەيۋدە. ولاردىڭ ءبىرى - ەكونوميكالىق جاعدايعا بايلانىستى تۋىندايتىن نارازىلىق. ياعني مەملەكەت قۇرامىنداعى بەلگىلى ءبىر اۋداننىڭ ارقاسىندا بارشا ەلدىڭ كوركەيىپ، دامىعان كەزىندە الگى ايماق دەربەستىككە ۇمتىلادى.
سەپاراتيزمگە يتەرمەلەيتىن تاعى ءبىر جايت - الدەبىر ەلدىڭ قۇرامىنداعى ۇلتتاردىڭ ارازدىعى.
ال ەۋروپالىق وداققا مۇشە مەملەكەتتەردىڭ اراسىندا قازىرگى ەكونوميكالىق داعدارىس پەن جالپى تۇراقسىزدىق كەزەڭىندە اتالعان فاكتورلاردىڭ ەكەۋى دە بەلەڭ الىپ بارادى.
www.24.kz
