قازاقستان 2015-جىلى قانداي بولادى؟

استانا. قازاقپارات - قازاقستان ءار جىلدارى ەل ءومىرىنىڭ ءتۇرلى سالالارى بويىنشا مەملەكەتتىك باعدارلامالار قابىلدادى. ولاردىڭ ىشىندە ادەتتە رەسپۋبليكا قول جەتكىزۋى ءتيىس ناتيجە مەن ونىڭ مەرزىمدەرى، ورىنداۋ جولدارى كورسەتىلگەن.

ۆلاست باسىلىمى ەلدە قابىلدانعان بارلىق باعدارلامالارعا ساراپتاما جۇرگىزىپ، كەلەسى 20  جىلدا قازاقستان قانداي جەتىستىكتەرگە قول جەتكىزەتىنىن انىقتاپ كوردى.

ونىڭ ءبىرىنشى بولىگىن نازارلارىڭىزعا ۇسىنامىز.

ەكونوميكا

قازاقستاندا ەكونوميكا سالاسىن تۇراقتى دامىتۋ، باسەكەگە قابىلەتتى تاۋار تۇرلەرىن ءوندىرۋ مەن ەكسپورت دەڭگەيىن كوتەرۋ ماقساتىندا يندۋستريالدى- يننوۆاتسيالىق دامۋ ستراتەگياسى قابىلداندى. ونىڭ اۆتورلارى باعدارلاما اياقتالعاننان كەيىن ەكونوميكامىزدىڭ دەڭگەيى جىل سايىن %8,8-9,2 ءوسىپ تۇرادى دەپ ۋادە ەتتى.

2015- جىلعا قاراي ج ءى ءو 2000- جىلدىڭ ج ءى ءو- مەن سالىستىرعاندا 3,5-3,8 ەسەگە ارتۋى كەرەك.

سونداي-اق 2015-جىلعا قاراي ق ر يندۋستريالدى- يننوۆاتسيالىق دامۋ ستراتەگياسىنىڭ ارقاسىندا ەڭبەك ونىمدىلىگى كەم دەگەندە 3 ەسەگە ءوسىپ، ج ءى ءو ەنەرگو اۋقىمدىلىعى 2 ەسەگە تومەندەۋى ءتيىس.

دەگەنمەن بولجامدار بويىنشا مۇناي جانە گاز كەن ورىندارىن قارقىندى يگەرۋ كەزىندە اتالعان ستراتەگيا ناتيجەلەرى ەكونوميكا مەن وندىرىستىك ونەركاسىپتىك ءوندىرىستىڭ قۇرىلىمىن ايتارلىقتاي وزگەرمەيدى.

كەدەيشىلىك پەن جۇمىسسىزدىق

2015-جىلعا قاراي كەدەيشىلىك دەڭگەيى ەڭبەكپەن قامتۋ - 2020 الەۋمەتتىك باعدارلاماسىنىڭ ناتيجەسىندە %6 عا تومەندەپ، جۇمىسسىزدىق دەڭگەيى %5,5 دان اسپاۋى ءتيىس.

ەكولوگيا

قازاقستاندا 2015-جىلعا دەيىنگى ەكولوگيالىق قاۋىپسىزدىك كونتسەپسياسى قابىلداندى. بۇل مەرزىمگە دەيىن، قۇجاتقا ساي، «قورشاعان ورتا نىساندارىنىڭ ساپا كورسەتكىشتەرى قالىپتى بولىپ، قوعام دامۋىنىڭ ەكولوگيالىق سانا-سەزىمى قالىپتاسىپ، قورشاعان ورتا ساپاسىن باسقارۋ جۇيەسى قالىپتاسۋى ءتيىس».

كولىك

2015-جىلعا قاراي قازاقستاندىق قولايلى كولىكتىك جۇيە قالىپتاسۋى ءتيىس. كولىك سالاسىنداعى ستراتەگيانىڭ اۆتورلارى «بارلىق كولىك تۇرلەرىنىڭ قالىپتى قارىم-قاتىناسى مەن وتاندىق ەكونوميكانىڭ باسەكەگە قابىلەتتى بولىگىنە اينالاتىن كولىكتىك جۇيەنىڭ تيىمدىلىگىن ارتتىرۋدى» ۋادە ەتەدى.

2015-جىلعا قاراي قازاقستاندىقتار كولىكتىڭ ەكولوگيالىق جانە تەحنوگەندىك قاۋىپتىلىگىن تومەندەتۋ ارقىلى قورشاعان ورتانىڭ 2,5 ەسەگە تازارعانىن سەزىنۋى ءتيىس.

2015-جىلعا قاراي ج ءى و- دەگى كولىكتىڭ ۇلەسى جەكە كولىكتەردى ەسەپتەمەگەندە %7,9 دى قۇرايدى.

ال قوعامدىق كولىكتىڭ سانى بۇل مەرزىمگە دەيىن 1,1 مىڭعا ارتۋى ءتيىس.

ينتەرنەت پەن تەليەۆيزيا

2015-جىلعا قاراي قازاقستان تەليەۆيزياسى تۇگەلدەي ساندىق فورماتقا كوشەدى. جوعارعى ساپادا باعدارلامالارىن دايىندايتىن وتاندىق تەلە-راديو ارنالاردىڭ سانى 20 دان كەم بولمايدى.

اتالعان مەرزىمدە كەز-كەلگەن قازاقستاندىق كەڭ جولاقتى عالامتورمەن قامتاماسىز ەتىلەدى.

دەنساۋلىق

«سالاماتتى قازاقستان» باعدارلاماسىنىڭ ارقاسىندا قازاقستاندىقتار 2  جىلدان كەيىن 70 جاسقا دەيىن جاساپ، ءولىم-ءجىتىم كورسەتكىشى تومەندەيدى. باعدارلامانىڭ باستى ماقساتى - ەلىمىزدىڭ تۇراقتى الەۋمەتتىك-دەموگرافيالىق دامۋىن قامتاماسىز ەتۋ ءۇشىن 2015-جىلعا دەيىن قازاقستان ازاماتتارىنىڭ دەنساۋلىعىن جاقسارتۋ.

اتالعان باعدارلاما تۋبەركۋلەز جانە ۆيچ-ينفەكتسياسىمەن كۇرەسۋدى كوزدەيدى. بۇل مەرزىمگە دەيىن ءاربىر 100 مىڭ ادامعا شاققاندا تۋبەركۋلەزبەن سىرقاتتانعانداردىڭ سانى 94,7 گە دەيىن تومەندەۋى ءتيىس. ال 15-49 جاس ارالىعىنداعى تۇرعىنداردىڭ اراسىندا ۆيچ-ينفەكتسياسى ىندەتىنىڭ تارالۋىن %0,2-0,6 دەڭگەيىندە ساقتاپ تۇرۋ قاجەت.

گەندەرلىك تەندىك

قازاقستاندا 2000- جىلداردىڭ باسىندا-اق 2016-جىلعا قاراي گەندەرلىك تەڭدىككە قول جەتكىزۋ ماقساتىندا ارنايى ستراتەگيا قابىلداندى. ونى جۇزەگە اسىرۋ «ايەلدەرگە وزدەرىنىڭ جەكە، ادامي پوتەنتسيالىن كورسەتە وتىرىپ، ەرلەرمەن بىرگە الەۋمەتتىك دامۋدىڭ بارلىق پروتسەستەرىنە قاتىسۋعا» مۇمكىندىك بەرەدى.

بۇل ۋاقىتتا ۇكىمەتتەگى، پارلامەنتتەگى، اكىمدىك، ءماسليحاتتارداعى جانە سوت ورگاندارىنداعى ايەلدەردىڭ ۇلەسى كەم دەگەندە %30 كوبەيۋى ءتيىس.

سونداي-اق 2016-جىلى قىزدار مەن ايەلدەرگە قازاقستان ەكونوميكاسىنىڭ باستى سالالارىندا (مۇناي-گاز ونەركاسىبى، ماشينا جاساۋ، قۇرىلىس، كولىك) قىزمەت ەتۋگە مۇمكىندىك الۋ ءۇشىن تەحنيكالىق سالا بويىنشا ءبىلىم الۋىنا بارلىق جاعداي جاسالۋى ءتيىس.

ستراتەگيا ءداستۇرلى پاتريارحالدى وتباسىنان (اكە - اسىراۋشى، قاراجات تابۋشى؛ انا - وتاناسى مەن ءۇي قىزمەتىندەگى ادام) گەندەرلىك تەڭدىكتىڭ قاعيدالارىنا نەگىزدەلگەن وتباسىنىڭ ەگاليتارلى ۇلگىسىنە كوشۋدى قاراستىرادى.

NUR. KZ