نەپال اسكەري قىزمەتشىلەرى «دالا قىرانى-2015» وقۋ- جاتتىعۋىنا قاتىسادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى حابارلادى.
نەپال تاراپى ق ر ءا ق بىتىمگەرلىك كونتينگەنتىن دايىنداۋ ماقساتىنداعى ىنتىماقتاستىققا ءازىر ەكەندىگىن ايتتى، ال قازاقستاندىق تاراپ نەپالدىق اسكەري قىزمەتشىلەردى «دالا قىرانى-2015» تاكتيكالىق- ارنايى بىتىمگەرلىك جاتتىعۋعا قاتىسۋعا شاقىردى.
ق ر ق ك وكىلدەرى نەپالعا ساپارى بارىسىندا بيرەندرا بىتىمگەرلىك ورتالىعىنىڭ قۇرىلۋ تاريحىمەن، ونىڭ ماقساتتارىمەن، مىندەتتەرىمەن، وقىتۋ باعدارلامالارىمەن تانىستى.
ق ر ق ك مەن ا ق ش ق ك اراسىنداعى «Mil-to-mil» اسكەري بايلانىستار جوسپارىنىڭ شەڭبەرىندە وتكىزىلگەن شارا قۇرلىق جانە قازاقستاندىق ايروموبيلدىك اسكەر، «بەيبىتشىلىك جولىنداعى ارىپتەستىك» وقۋ ورتالىعىنىڭ، «قازبريگ» بىتىمگەرلىك بريگاداسىنىڭ قاتىسۋىمەن ءوتتى.
بيرەندرا بىتىمگەرلىك ورتالىعى ب ۇ ۇ بەيبىتشىلىكتى قورعاۋ، وڭىرلىك جانە جاھاندىق قاۋىپسىزدىكتى ساقتاۋ جونىندەگى بارلىق وپەراتسيالارعا قاتىساتىن كاسىبي بىتىمگەرلەر دايارلاۋدا تانىلعان حالىقارالىق ورتالىق بولىپ تابىلادى.
«دالا قىرانى» تاكتيكالىق- ارنايى بىتىمگەرلىك جاتتىعۋى قازاقستان، ۇلى بريتانيا، سولتۇستىك يرلانديا جانە ا ق ش قارۋلى كۇشتەرى بولىمشەلەرىنىڭ قاتىسۋىمەن 2003 جىلدان باستاپ جىل سايىن وتكىزىلىپ كەلەدى.
جاتتىعۋ بارىسىندا بەيبىتشىلىكتى قولداۋ جانە داعدارىستى جاعدايعا دەن قويۋ، اليانس كۇشتەرى مەن قۇرالدارىنىڭ جەدەل بىرلەستىگىنە قول جەتكىزۋ، ب ۇ ۇ مەن ناتو وتكىزەتىن بىتىمگەرلىك وپەراتسيالارعا قاتىسۋعا دايىندالۋ ەلەمەنتتەرى پىسىقتالادى.
اعىمداعى جىلى بۇل دالالىق جاتتىعۋ العاش رەت قازاقستاننان تىس جەردە، گەرمانيادا ءوتتى.
