08:42, 09 - جەلتوقسان 2014 | GMT +5
زارينا دياس 2015-جىلدىڭ العاشقى تۋرنيرىن قاڭتار ايىندا باستايدى
استانا. قازاقپارات - «Hobart International» تەننيس ءتۋرنيرى 2015-جىلدىڭ 11-15- قاڭتارىندا وتەدى. اۆستراليانىڭ حوبارت قالاسىندا وتەتىن Hobart International تەننيس تۋرنيرىنە قاتىساتىن سپورتشىلاردىڭ الدىن الا ءتىزىمى بەلگىلى بولدى، دەپ حابارلادى kazsport. кz.
«بۇل تىزىمدە قازاقستاننىڭ ءبىرىنشى راكەتكاسى زارينا دياس بار. سونىمەن قاتار، رەيتينگى جوعارى تەننيسشىلەردىڭ اراسىندا اۆستراليالىق كەيسي دەلاكۆا مەن يتاليالىق كاميلا دجوردجي ەنگەن»، دەپ جازادى sportnews.kz.
ەسكە سالا كەتەيىك، وتكەن ماۋسىمدا بۇل تۋرنيردە يسپانيالىق گاربينە مۋگۋرۋسا جەڭىسكە جەتتى. ول فينالدا چەح قىزى كلارا كوۋكالوۆنى 6:4, 6:0 ەسەبىمەن ۇتتى.
