الداعى 2015-جىلدان باستاپ جالاقى، شاكىرتاقى، جاردەماقى جانە زەينەتاقى جوعارىلايدى

استانا. قازاقپارات - قازاقستاندا الەۋمەتتىك تۇيىتكىلدەرگە باعىتتالعان شىعىندار كوبەيۋدە. بۇل تۋرالى بۇگىن ورتالىق كوممۋنيكاتسيالار قىزمەتىنىڭ كەزەكتى بريفينگىندە سەنات دەپۋتاتتارى مالىمدەدى.

حالىق قالاۋلىلارىنىڭ ايتۋىنشا، مەملەكەت الەۋمەتتىك مىندەتتەمەلەرگە ارنالعان قارجىنىڭ ءبىر تەڭگەسىن دە قىسقارتپاي، كەرىسىنشە ونى ارتتىرۋدى كوزدەۋدە. وعان 2015-2017-جىلدارعا ارناپ بەكىتىلگەن بيۋجەت دالەل. كەلەر جىلدان باستاپ جالاقى مەن شاكىرتاقى، جاردەماقى، سونداي-اق زەينەتاقى كوتەرىلەتىن بولادى.

اتالعان ماسەلەلەر ءار قازاقستاندىقتى بەي-جاي قالدىرمايتىنى انىق. حالىقتى الەۋمەتتىك تۇرعىدا قولداۋعا بيۋجەتتەن شامامەن 6 ميلليارد تەڭگە قاراستىرىلعان.

ولگا پەرەپەچينا، ق ر پارلامەنتىنىڭ سەنات دەپۋتاتى: - 2015-جىلدىڭ بيۋجەتىنە وزگەرتۋلەر ەنگىزىلگەنىمەن بۇعان دەيىنگى ەلباسى جولداۋىندا جۇكتەلگەن مىندەتتەر تولىق قۇپتالىپ، الەۋمەتتىك مىندەتتەمەلەر تۇگەلدەي ساقتالدى. وسى جولعى جولداۋدا دا مەملەكەت باسشىسى حالىق ەش نارسەگە مۇقتاج بولماۋى ءۇشىن بارلىق الەۋمەتتىك مىندەتتەمەلەردىڭ ساقتالىپ قالۋىن قاداپ ايتتى.

Kz.24