قىتاي جىبەك جولى بويىنداعى ەلدەردەگى تۋريزمدى 2015 - جىلى ىنتالاندىراتىن بولادى
بۇل تۋرالى «شينحۋا» اگەنتتىگى قىتاي ۇلتتىق تۋريزم اكىمشىلىگى باسشىسىنىڭ ورىنباسارى دۋ جياننىڭ شانحايدا وتكەن جىل سايىنعى حالىقارالىق CITM 2014 تۋريستىك جارمەڭكەسىنىڭ بارىسىندا جاساعان مالىمدەمەسىنە سىلتەمە جاساپ حابارلادى.
«بۇل شەشىم وڭىرلىك ەكونوميكالىق جانە ينفراقۇرىلىمدىق ىنتىماقتاستىقتى كۇشەيتۋگە باعىتتالعان «جىبەك جولى ەكونوميكالىق بەلدەۋىن» جانە «XXI عاسىرداعى تەڭىزدەگى جىبەك جولىن» دامىتۋ باستامالارىن، سونداي-اق ازياداعى گۋمانيتارلىق الماسۋدى جۇزەگە اسىرۋ ماقساتىندا قابىلداندى»، - دەدى ول.
ونىڭ ايتۋىنشا، كەلەسى جىلى ق ح ر-دىڭ تۋريستىك سالاسى جوعارىدا كورسەتىلگەن ەلدەرمەن بايلانىستى «ءبىر بەلدەۋ - ءبىر جول» قىزمەتىن كورسەتۋگە شوعىرلاندىرىلادى.
ەسكە سالا كەتەيىك، شانحايدا 14-16 - قاراشا كۇندەرى وتكەن حالىقارالىق CITM تۋريستىك جارمەڭكەسى ازياداعى ءىرى كاسىبي وقيعا بولىپ تابىلادى. بيىلعى جىلى وعان 106 ەلدىڭ وكىلدەرى قاتىستى.
