قىتايدا بالا تۋۋ كورسەتكىشى 2015-جىلى كۇرت ارتپاق
كەلەسى جىلى ق ح ر- دا 2 ميلليون بالا دۇنيەگە كەلەدى دەپ بولجانۋدا، دەپ حابارلادى BBC.
بەيجىڭدە دارىگەرلەر تۋۋ كورسەتكىشتەرىنىڭ بەلسەندى وسكەنىن اتاپ وتۋدە، تاياۋ بەس جىلدا «قوسىمشا» 270 مىڭ نارەستە دۇنيە ەسىگىن اشادى دەپ كۇتىلۋدە.
وتكەن جىلى قىتاي اتا-انالارىنىڭ ءبىرى وتباسىنىڭ جالعىزى بولاتىن بولسا، ولارعا ەكىنشى بالا تۋۋعا رۇقسات بەرگەن. بۇعان دەيىن اتا-انالارىنىڭ ەكەۋىنىڭ اعا-ءىنى، قارىنداستارى نەمەسە اپكە-ءسىڭلىسى بولماعان جاعدايدا عانا بىرنەشە بالا تۋۋعا رۇقسات ەتىلگەن بولاتىن.
ال بۇل وزگەرىس جاس وتباسىلاردى دا، ورتا جاستاعىلاردى دا قامتىپ وتىر. ءتىپتى بالالارى ەسەيىپ كەتكەندەر دە ەكىنشى بالانى دۇنيەگە اكەلۋگە قۇلشىنىپ وتىر.
مەملەكەتتىك وتباسىلىق ساياساتقا ەنگىزىلگەن وزگەرىس قىتايعا ءتونىپ تۇرعان حالىقتىڭ قارتايۋ پروبلەماسىن شەشەتىن بولادى.
