باتىس قازاقستان وبلىسىندا 2015 - جىلى ەۋرو-5 ستاندارتىمەن بەنزين شىعاراتىن زاۋىت ىسكە قوسىلادى

استانا. قازاقپارات - 2015 - جىلى باتىس قازاقستان وبلىسىندا ەۋرو-5 ستاندارتى بويىنشا بەنزين شىعاراتىن زاۋىت ىسكە قوسىلادى.

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە باتىس قازاقستان وبلىسىنىڭ اكىمى نۇرلان نوعايەۆ ءمالىم ەتتى.

ءوڭىر باسشىسىنىڭ سوزىنە قاراعاندا، اعىمداعى جىلى 360 جۇمىس ورنىن قۇرۋ ارقىلى جالپى قۇنى 4 ميلليارد 200 ميلليون تەڭگەنى قۇرايتىن 2 جوبانى ىسكە قوسۋ جوسپارلانعان. ونىڭ ءبىرى - ترانسفورماتور، ال ەكىنشىسى - جيھاز شىعاراتىن زاۋىت.

 «2015 - جىلى جالپى قۇنى 30 ميلليارد 400 ميلليون تەڭگەنى قۇرايتىن تاعى ەكى جوبانى ىسكە قوسۋ جوسپارلانۋدا. ونىڭ ءبىرى «كوندەنسات» كومپانياسىنىڭ ەۋرو-5 ستاندارتى بويىنشا بەنزين شىعاراتىن زاۋىتىنىڭ ءوندىرىسى، ەكىنشىسى قۋاتتىلىعى جىلىنا 200 مىڭ توننانى قۇرايتىن مۇناي وڭدەۋ زاۋىتى»، - دەدى ن. نوعايەۆ.

 اۆتور: مارلان جيەمباي