كاسىپكەرلەرگە 2015 - جىلى جەڭىلدەتىلگەن پايىزبەن كرەديت بەرۋگە 500 ميلليارد تەڭگە باعىتتالادى

استانا. قازاقپارات - 2014 - 2015 - جىلدارى ەكونوميكالىق ءوسۋدى جانە جۇمىسپەن قامتۋدى قولداۋ ءۇشىن 2014 - جىلدىڭ اقپانىندا مەملەكەت باسشىسىنىڭ باستاماسى بويىنشا ۇلتتىق قوردان 1 تريلليون تەڭگە ءبولىندى.

بۇل دەرەك قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ ەكونوميكالىق ساياساتتىڭ 2015 -جىلعا ارنالعان نەگىزگى باعىتتارى تۋرالى مالىمدەمەسىندە كەلتىرىلگەن.

«وسى قاراجات شەڭبەرىندە 2015 -جىلى 500 ميلليارد تەڭگە مولشەرىندەگى ەكىنشى ترانش شاعىن، ورتا جانە ءىرى كاسىپكەرلىك سۋبەكتىلەرىنە قوسىمشا جەڭىلدىكتى كرەديت بەرۋگە جانە بانك سەكتورىن ساۋىقتىرۋعا باعىتتالادى. بۇدان باسقا، ارنايى ەكونوميكالىق ايماقتاردىڭ جانە «ەكسپو-2017» ينفراقۇرىلىمى وبەكتىلەرىنىڭ قۇرىلىسى قارجىلاندىرىلاتىن بولادى»، دەلىنگەن مالىمدەمەدە.