قىتايداعى ا ە س- تىڭ جالپى قۋاتتىلىعى 2015-جىلدىڭ سوڭىنا قاراي 30 ميلليون ك ۆ ت- قا جەتەدى
بۇل تۋرالى قىتاي اتوم ەنەرگەتيكاسى قاۋىمداستىعىنىڭ جاۋاپتى حاتشىسىنىڭ ورىنباسارى سيۋي يۋيمين اتوم ەنەرگياسى بويىنشا 11- قىتايلىق حالىقارالىق كونگرەستە ءمالىم ەتتى، دەپ حابارلادى شينحۋا.
ونىڭ سوزىنە قاراعاندا، بۇگىندە قىتايدا جۇمىس ىستەپ تۇرعان، سالىنىپ جاتقان نەمەسە سالىنۋى جوسپارلانعان 52 اتوم ەنەرگو بلوگى بار. ولار سەگىز پروۆينتسياداعى 13 ەلەكتر ستانسالارىنا ورنالاستىرىلدى. سولاردىڭ ىشىندە قۋاتتىلىعى 21,4 ميلليون كۆت قۇرايتىن 23 ەنەرگو بلوك جۇمىس ىستەپ تۇر.
2020-جىلعا قاراي قىتايداعى اتوم ەنەرگەتيكاسىن دامىتۋ باعدارلاماسىنا سايكەس ەلدەگى جۇمىس ىستەپ تۇرعان اتوم ەنەرگيالىق بلوكتارىنىڭ قۋاتتىلىعى 58 ميلليون ك ۆ ت- قا جەتەدى، سالىنىپ جاتقان ەنەرگيا بلوكتاردىڭ قۋاتتىلىعى 30 ميلليون ك ۆ ت- تان اسىپ تۇسەدى.
«2020-جىلعا دەيىن ەلدە قۋاتتىلىعى كەم دەگەندە 35 ميلليون ك ۆ ت قۇرايتىن اتوم ەنەرگيا بلوكتارى قولدانىسقا بەرىلۋى ءتيىس. جالپى العاندا جىلىنا 5-6 ەنەرگوبلوك سالىنۋى كەرەك»، - دەدى سيۋي يۋيمين.
ونىڭ بولجامىنا سايكەس، 2030-جىلعا قاراي قىتايدا ەلەكتر ەنەرگياسىن پايدالانۋدىڭ جالپى كولەمى بۇگىنگى كورسەتكىشتەن ەكى ەسەگە دەيىن ارتادى.
