قاراعاندى وبلىسىنىڭ بۇرىنعى اكىمى ب. ابدىشيەۆتى قاماۋدا ۇستاۋ مەرزىمى 2015 - جىلعى 23 - قاڭتارعا دەيىن ۇزارتىلدى

قاراعاندى. قازاقپارات - لاۋازىمدىق وكىلەتتىگىن تەرىس پايدالانعانى ءۇشىن ايىپتالعان قاراعاندى وبلىسىنىڭ بۇرىنعى اكىمى باۋىردان ابدىشيەۆتى قاماۋدا ۇستاۋ مەرزىمى ءبىر ايعا ۇزارتىلدى، دەپ حابارلادى قاراعاندى قالاسى قازىبەك ءبي اۋداندىق سوتىنان.

«تەرگەۋ ورگاندارىنىڭ سۇراۋىنا بايلانىستى قازىعۇرت اۋداندىق سوتىنىڭ قاۋلىسىمەن ب. ابدىشيەۆتىڭ قاماق مەرزىمى 2015 - جىلعى 23 - قاڭتارعا دەيىن ءبىر ايعا ۇزارتىلدى»، - دەدى اۋداندىق سوتتان.

بۇدان بۇرىن حابارلانعانداي، سوت ب. ابدىشيەۆتىڭ قاماق مەرزىمىن 3 ايعا، 2014 - جىلعى 23 - جەلتوقسانعا دەيىن ۇزارتقان.

ەسكە سالساق، قاراعاندى وبلىسىنىڭ ەكس-اكىمىنە ق ر ق ك 307-بابىنىڭ 4-بولىگى (قىزمەتتىك وكىلەتتىگىن تەرىس پايدالانۋ) بويىنشا ايىپ تاعىلعان. تەرگەۋ ورگاندارىنىڭ نۇسقاسى بويىنشا ابدىشيەۆ جولعا توسەلەتىن پليتكالار شىعاراتىن «ەۋروستاندارت قاراعاندى» ج ش س زاۋىتىنىڭ مۇددەسىن قورعاعان.

ءىس ماتەريالدارىنا سايكەس كاسىپورىن ونىڭ تانىسىنىڭ اتىنا رەسىمدەلگەن. «ەۋروستاندارت قاراعاندى» ج ش س مەن «مادەنيەت، دەمالىس ساياباقتارى باسقارماسى» ق م ك اراسىنداعى 2012 - جىلعى قاڭتار مەن مامىردا جاسالعان ەكى شارت سوماسى 1,2 ميلليارد تەڭگەدەن استام قاراجاتتى قۇراعان.

ەسكە سالا كەتسەك، ب. ابدىشيەۆ قاراعاندى وبلىسىنىڭ اكىمى بولىپ 2013 - جىلى تاعايىندالعان ەدى. 2014 - جىلعى ماۋسىمدا ءوز ەركىمەن وتستاۆكاعا كەتتى.