الەمدەگى ايەل دەپۋتاتتاردىڭ ۇلەسى 2015-جىلى 22,6 پايىزعا جەتتى - ب ۇ ۇ
2015-جىلى ايەلدەر جوعارى زاڭ شىعارۋشى ورگانداردا 22,6 پايىزى ورىندى يەلەنگەن. وسى كورسەتكىش جىل بۇرىنعىمەن سالىستىرعاندا جارتى پايىزعا ارتتى. بۇل دەرەك پارلامەنتارالىق ءوداقتىڭ ەسەبىندە جاريالاندى.
تاياۋدا پارلامەنتارالىق وداق 2015-جىلى پارلامەنتتەردەگى ايەلدەر ستاتيستيكاسىنا قاتىستى ەسەبىن جاريا ەتتى. ول حالىقارالىق ايەلدەر كۇنى مەن 14- ناۋرىزدا نيۋ-يوركتە ب ۇ ۇ شتاب پاتەرىندە اشىلاتىن ب ۇ ۇ- نىڭ ايەلدەردىڭ جاي-كۇيى جونىندەگى كوميسسياسى سەسسياسىنىڭ اشىلۋىنا ورايلاستىرىلدى.
«بۇل پارلامەنتاريزم تاريحىنداعى ەڭ جوعارعى كورسەتكىش. الايدا 2015-جىلى ءوسىم قارقىنىنىڭ بايالاۋى، ايەل دەپۋتاتتاردىڭ سانى 1,5 پايىزعا ارتقان 2013-جىلعىمەن سالىستىرعاندا كەيىنگە كەتىپ بارا جاتقاندىعىن كورسەتەدى»، - دەلىنگەن پارلامەنتارالىق وداقتىڭ ەسەبىندە.
بىلتىر مەكسيكا، فينليانديا، يسپانيادا وتكەن پارلامەنت سايلاۋلارىندا ايەلدەر 40 پايىز دەپۋتاتتار ورنىن يەلەنگەن. بۇل كورسەتكىش قىرعىزستان مەن تاجىكستاندا - 19 پايىز شاماسىندا، ازەربايجاندا - 16 پايىزدان ءسال جوعارى بولسا، گايتي مەن ميكرونەزيادا بىردە ءبىر ايەل دەپۋتات سايلانا الماپتى.
ساراپشىلار كۆوتا بەلگىلەۋ سەكىلدى ۋاقىتشا شارالار بيلىكتىڭ جوعارى ەشالونىنداعى گەندەرلىك تەڭدىكتى قامتاماسىز ەتۋدە جەتىستىكتەرگە جول اشادى دەپ سانايدى.
جالپى العاندا الەم حالقىنىڭ 51 پايىزى ايەلدەر بولسا دا، بيلىك ورگاندارىندا ولاردىڭ ۇلەسى از. سوڭعى 10 -جىلدا پارلامەنتاريي قىز- كەلنشەكتەر سانى 6,4 پايىزعا ارتقان.
ەسكە سالا كەتسەك، پارلامەنتارالىق وداق 1889-جىلى قۇرىلعان. ونىڭ ماقساتى - الەم پارلامەنتتەرىنىڭ مۇشەدەرى اراسىنداعى جەكە بايلانىستاردى ىنتالاندىرۋ جانە الەمدەگى بەيبىتشىلىك پەن ىنتىماقتاستىقتى نىعايتۋ جونىندەگى بىرلەسكەن قىزمەتكە ولاردى ۇيىستىرۋ.
