قازاقستاندا 2015 - جىلدىڭ 1 - قاڭتارىنان باستاپ، جوعارى ساناتتى ۇستازداردىڭ جالاقىسى وسەدى
بۇنىڭ الدىندا حابارلانعانىنداي، ەڭبەك جانە حالىقتى الەۋمەتتىك قورعاۋ مينيسترلىگى مەملەكەت باسشىسىنىڭ تاپسىرماسىنا سايكەس، حالىقارالىق تاجىريبەنى زەردەلەپ، ازاماتتىق قىزمەتشىلەرگە ەڭبەكاقى تولەۋ جۇيەسىنىڭ جاڭا ۇلگىسىن ازىرلەگەن بولاتىن. ەڭبەكاقى تولەۋ جۇيەسىن جەتىلدىرۋدى ءۇش كەزەڭدە جۇرگىزىلمەك.
ءبىرىنشى كەزەڭدە جۇيەنىڭ نەگىزگى كومپونەنتتەرى جەتىلدىرىلەدى. ەكىنشى كەزەڭدە ەڭبەكاقى تولەۋ تەتىگىن سوڭعى ناتيجەلەر بويىنشا ەنگىزۋ كوزدەلۋدە. ال ءۇشىنشى كەزەڭدە سارالانعان ۇستەماقى ەنگىزۋ مۇمكىندىگى قاراستىرىلماق.
سونىمەن قاتار، ازاماتتىق قىزمەتشىلەردىڭ 4 قىزمەتتىك بلوگىن ءبولۋ قاراستىرىلعان، ولار كاسىبيلىك جانە جاۋاپكەرشىلىك دەڭگەيىنىڭ وسۋىنە ساي قاراستىراتىن بولادى.
اتالعان جۇيە بويىنشا 2015 - جىلدىڭ 1 - قاڭتارىنان باستاپ، ۇستازداردىڭ جالاقىسى 91494 تەڭگەنى قۇرايتىن بولادى. جالاقى ءوسۋ پايىزى 33 كە تەڭ.
جاڭا جۇيە مەملەكەتتىك جانە جەكە سەكتور قىزمەتكەرلەرىنە ەڭبەكاقى تولەۋ دەڭگەيى اراسىنداعى الشاقتىقتى قىسقارتادى. ۇستازدار، دارىگەرلەر ەڭبەگىنىڭ مارتەبەسىن كوتەرەدى.
اۆتور: جاسۇلان جولدىبايەۆ
