بيىل «قوستاناي ارۋى-2015» اتاعىنا 19 جاستاعى ستۋدەنت بويجەتكەن يە بولدى
بيىلعى جىلدىڭ جەڭىمپازى جەلتوقسان ايىندا استانادا وتەتىن «قازاقستان ارۋى» رەسپۋبليكالىق سۇلۋلىق بايقاۋىنا وبلىس اتىنان شىعىپ، باس جۇلدە - 1 ميلليون تەڭگە ءۇشىن كۇرەسەدى، دەپ حابارلايدى top-news.kz.
بايقاۋدىڭ ءتاجى مەن باس تيتۋلدان باسقا، كسەنيا تاعى ەكى اتالىم بوينشا جەڭىمپاز اتاندى.
كسەنيا - بولاشاق حورەوگراف، قوستاناي مەملەكەتتىك پەداگوگيكالىق كوللەدجدىڭ ءتورتىنشى كۋرسىندا ءبىلىم الىپ جاتىر. بويجەتكەن قالالىق باستى سۇلۋلىق بايقاۋىنداعى جەڭىس - بۇل مودەل رەتىندە مانساپ جولىنداعى تاماشا قادام دەپ ەسەپتەيدى.
«ميسس قوستاناي» بايقاۋىنىڭ اقتىق كەزەڭىنە 18-23 جاس ارالىعىنداعى 15 بويجەتكەن قاتىستى. ءبىرىنشى دەفيلەدە بويجەتكەندەر ءجۇرىس-تۇرىسى مەن كيىم ۇلگىلەرىن كورسەتتى. ودان كەيىن ولار «Interdance» ءبي ۇجىمىمەن بىرگە ءۇش اسەرلى ءبي ورىندادى. ودان كەيىنگى شىعۋ بۇدان دا سالتاناتتى ءوتتى. سۇلۋلار كورەرمەندەردىڭ الدىنا ۇيلەنۋ تويلارىنىڭ كويلەكتەرىن كيىپ شىقتى. بۇل اينالىمنان كەيىن زياتكەرلىك بايقاۋعا قاتىسقان التى بويجەتكەن تاڭدالدى.
قازىلار القاسىنىڭ شەشىمىمەن ءبىرىنشى ۆيتسە-ميسس اتاعىن البينا الكەيەۆا، ەكىنشى ۆيتسە-ميسس اتاعىن - ماريا لاتىپوۆا يەلەندى، جاستار باستامالارى ورتالىعىنىڭ باستاماشى رەتىندە شىققان «جاستار ارۋى» بايقاۋىندا اسەل سەيىتوۆا جەڭىمپاز اتاندى. ال ءۇش مىڭنان استام ادامنىڭ داۋىسىنا يە بولعان ۆيولەتتا كالنيچەنكو «عالامتور كوزايىمى» اتاعىن جەڭىپ العان.
