قىلمىستىق قۋدالاۋ ورگاندارىنىڭ ارەكەتتەرىنە قاتىستى 2015 -جىلى 1200 شاعىم تۇسكەن
بۇل تۋرالى بۇگىن ورتالىق كوممۋنيكاتسيالار قىزمەتىندە جوعارعى سوتتىڭ قىلمىستىق ىستەر جونىندەگى قاداعالاۋشى سوت القاسىنىڭ ءتوراعاسى اباي راحمەتۋللين ءمالىم ەتتى.
«بيىل ءبىرىنشى جارتىجىلدىقتا پروكۋرورلاردىڭ، تەرگەۋ جانە انىقتاۋ ورگاندارىنىڭ ءىس- ارەكەتتەرىنە نەمەسە ولاردىڭ كەرىسىنشە، ارەكەت ەتپەۋىنە قاتىستى تەرگەۋ سوتتارىنا 1227 شاعىم كەلىپ ءتۇستى. ولاردىڭ ۇشتەن ءبىرى تەرگەۋشىنىڭ ارەكەتىنە قاتىستى بولسا، بەستەن ءبىر بولىگى پروكۋروردىڭ ءىس- قيمىلىنا بايلانىستى بولعانى انىقتالىپ وتىر.
جالپى، 734 شاعىم قارالدى، ول بارلىق شاعىمنىڭ 59,8 پايىزىن قۇرايدى. تولىقتاي نەمەسە ءىشىنارا 231 شاعىم قاناعاتتاندىرىلدى. پروتسەسسۋالدىق شەشىمدەردىڭ ءاربىر جەتىنشىسى زاڭسىز بولاتىنى انىقتالدى جانە بەلگىلەندى. لاۋازىمدى تۇلعانىڭ ءاربىر ەكىنشى شاعىمى زاڭسىز»، - دەدى ا. راحمەتۋلين.
ونىڭ ايتۋىنشا، شاعىم تۇسىرگەندەردىڭ باسىم بولىگى الماتى مەن استانا قالالارىنىڭ، ش ق و، قوستاناي، قاراعاندى، اقتوبە وبلىستارىنىڭ تۇرعىندارى.
اۆتور: ءابۋ-اسقار مەكەش ۇلى
