سىر وڭىرىندە 2015 - جىلى 10 مىڭنان استام جاڭا جۇمىس ورنى اشىلادى
بۇل تۋرالى بۇگىن وبلىستىق كوممۋنيكاتسيالار ورتالىعىندا وتكەن بريفينگتە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى جازيرا جىلقىشيەۆا مالىمدەدى.
بيىلعى جىلى جالپى قۇنى 360 ميلليارد تەڭگەنى قۇرايتىن «بەينەۋ- بازوي- شىمكەنت» گاز قۇبىرىنىڭ قۇرىلىسى جانە «باتىس ەۋروپا - باتىس قىتاي» ماگيسترالدى كولىك ءدالىزىنىڭ ءبىزدىڭ ايماقتاعى قۇرىلىسى اياقتالماق. بۇل قۇرىلىس نىساندارىندا 6 مىڭ ادام جۇمىسپەن قامتىلعان بولاتىن.
ج. جىلقىشيەۆانىڭ ايتۋىنشا جاقىندا قىزىلوردا وبلىسىندا مينيسترلىكتىڭ 2014-2015 - جىلدارعا ارنالعان «جۇمىسپەن قامتۋ 2020» جول كارتاسى» باعدارلاماسى بەكىتىلگەن.
«ايماقتاعى جۇمىسسىزدىقتىڭ الدىن الۋ ماقساتىندا 2017 -جىلعا دەيىن 7800 جاڭا جۇمىس ورنىن اشۋ ءۇشىن قوسىمشا 3 ميلليارد تەڭگە قارجى قاراستىرىلعان. «جۇمىسپەن قامتۋ - 2020» باعدارلاماسىن جۇزەگە اسىرۋعا 7,2 ميلليارد تەڭگە بولىنگەن، تەڭ جارتىسىن جاستار قۇرايتىن باعدارلاماعا قاتىسۋشىلار سانى 7900 ادامدى قۇرادى»، - دەيدى باسقارما باسشىسى.
اۆتور: ەلۋباي اۋەزوۆ
