الماتىدا 2015 - جىلى قازاق تىلىندەگى سىرتقى جارنامالاردان 1000-نان اسا قاتە تابىلعان
بۇل تۋرالى بۇگىن الماتى اكىمىنىڭ قالا تۇرعىندارىمەن بولعان جىلدىق ەسەپتىك كەزدەسۋى بارىسىندا بەلگىلى بولدى.
اكىمگە سۇراق قويۋ كەزەگىن العان اۋەزوۆ اۋدانىنىڭ تۇرعىنى نۇرعالي الدامۇراتوۆ قازىر قالادا قازاق تىلىندەگى جارنامالاردىڭ سىن كوتەرمەيتىندىگىن ايتا كەلىپ، وسى سالانى باقىلايتىن ورگاننىڭ بارى- جوعىن سۇرادى.
اكىم قالا تۇرعىنىنىڭ بۇل سۇراعىنىڭ وتە ورىندى ەكەندىگىن ايتىپ، قازاق تىلىندەگى جارنامالاردا بىردە- ءبىر قاتەنىڭ بولماۋى كەرەكتىگىن باسا ايتتى.
«ءتيىستى باسقارما ءتوراعاسى بۇل سالادا قانداي جۇمىستار اتقارىلىپ جاتىر؟ قانە، جاۋاپ بەرىڭىزشى»، - دەپ سۇرادى ول الماتى قالاسى تىلدەردى دامىتۋ، مۇراعاتتار جانە قۇجاتتاما باسقارماسىنىڭ باسشىسى ماماي احەتوۆتەن.
«جارناما ماسەلەسى ۇنەمى ءبىزدىڭ نازارىمىزدا. وتكەن جىلى سىرتقى جارنامالار بويىنشا 5 مىڭنان اسا تەكسەرۋ شاراسى جۇرگىزىلدى. سونىڭ ناتيجەسىندە قازاق ءتىلدى جارنامالاردان وكىنىشكە قاراي، 1000-نان اسا قاتە تابىلىپ، ولار تۇزەتىلدى. بۇدان بىلاي، جارناما قويىلار كەزدە ونىڭ ءماتىنى الدىن الا ءبىزدىڭ ساراپتامادان وتكىزىلەتىن بولادى»، - دەدى ءوز كەزەگىندە م. احەتوۆ.
اۆتور: جاپپاربەرگەن ايبوتا
