نورۆەگيالىق پوليتسەيلەر 2014-جىلى ەكى وق قانا شىعىندادى

بريۋسسەل. قازاقپارات - نورۆەگيا پوليتسياسىنىڭ قىزمەتكەرلەرى 2014-جىلى ەكى رەت قانا وق اتقان، ونىڭ ناتيجەسىندە ەشكىم دە ولتىرىلگەن نەمەسە جارالانعان جوق.

بۇل تۋرالى نورۆەگيالىق پوليتسەيلەردىڭ 2002-2014-جىلدارعا ارنالعان جاڭارتىلعان بايانداماسىندا كەلتىرىلگەن.

پوليتسيا جاڭا مالىمەتتەردى 2013-جىلدان بەرگى ەلەۋسىز تومەندەۋ دەپ اتاپ وتەدى، ول كەزدە نورۆەگيالىق قۇقىق قورعاۋ قىزمەتكەرلەرى ءۇش رەت تابەلدىك قارۋ قولدانىپ، ەكى ادامدى جارالاعان بولاتىن.

2014-جىلى نورۆەگيالىق پوليتسەيلەر تاپانشاسىن قابىنان 42 رەت شىعاردى. بۇل دا سوڭعى 12 جىلداعى ەڭ از كورسەتكىش.

نورۆەگيا پوليتسەيلەرى 2002-جىلدان 2014-جىلعا دەيىن بارلىعى 2 ادامدى ولتىرگەن.