اكەلىك قامقورلىق تانىتاتىن سىزدەي ەلباسى بار حالىقتىڭ قىزى ەكەندىگىمدى ماقتان تۇتامىن - «قازاق ارۋى-2014» بايقاۋىنىڭ جەڭىمپازى

بۇگىن اقوردادا مەملەكەت باسشىسى نۇرسۇلتان نازاربايەۆتىڭ قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋىندە قازاق ۇلتتىق ۋنيۆەرسيتەتىنىڭ ستۋدەنتى، «قازاق ارۋى-2014» بايقاۋىنىڭ جەڭىمپازى گۇلناز جولانوۆا وسىلاي دەدى.

«جاقىندا «قازاق ارۋى-2014» بايقاۋىنىڭ جەڭىمپازى اتاندىم. بۇل جەتىستىكتەرىم انامنىڭ تاربيەسىمەن بىرگە ءسىزدىڭ جالپى ۇرپاقتىڭ جاڭا كەلبەتىنە ايرىقشا نازار اۋدارۋىڭىزدىڭ جەمىسى دەپ ويلايمىن. ءسىز «قازاقستان-2050» ستراتەگياسىندا: قىزدارىمىزدىڭ تاربيەسىنە كوپ كوڭىل ءبولۋىمىز كەرەك. ولار بولاشاق جار، بولاشاق انا، شاڭىراق شىراقشىلارى»، دەپ ايتقان بولاتىنسىز. مىنە، ءسىزدىڭ وسى سوزدەرىڭىز قازىر جاستاردىڭ ازاماتتىق تۇلعاسىن قالىپتاستىراتىن شامشىراق ىسپەتتى. مەن ەلىمىزدىڭ ءاربىر بويجەتكەنىنە اكەلىك قامقورلىق جاسايتىن سىزدەي ەلباسى بار حالىقتىڭ قىزى ەكەندىگىمدى ماقتان تۇتامىن» ، - دەدى گ. جولانوۆا.

 ايتا كەتەيىك، اقتاۋ قالاسىندا دۇنيەگە كەلگەن گ. جولانوۆا رەسەي، چەحيا، اۆستريا، ماكەدونيا، ارمەنيا ەلدەرىندە وتكەن ۇلتتىق بيدەن حالىقارالىق بايقاۋدا لاۋرەات اتانعان. «ماحابباتىم جۇرەگىمدە» ، «قىزدار» تەلەسەريالدارىنا ءتۇسىپ، باستى رولدەردى سومداعان. قازىرگى ۋاقىتتا ءال- فارابي اتىنداعى قازاق ۇلتتىق ۋنيۆەرسيتەتىندە ءبىلىم الۋدا.

 اۆتور: مارلان جيەمباي