وتكەن 2014 - جىلعى «جوعارى وقۋ ورنىنىڭ ۇزدىك وقىتۋشىلارى» انىقتالدى

استانا. قازاقپارات - قازاقستان رەسپۋبليكاسى ءبىلىم جانە عىلىم مينيسترلىگىندە ۆيتسە-مينيستر ت. بالىقبايەۆتىڭ توراعالىعىمەن «جوعارى وقۋ ورنىنىڭ ۇزدىك وقىتۋشىسى» اتاعىن بەرۋ جونىندەگى رەسپۋبليكالىق كونكۋرستىق كوميسسيانىڭ وتىرىسى ءوتتى، دەپ حابارلادى ۆەدومستۆونىڭ باسپا ءسوز قىزمەتىنەن.

كونكۋرستىق كوميسسيانىڭ قۇرامىنا پارلامەنت دەپۋتاتتارى، مەملەكەتتىك ورگانداردىڭ، «نۇر وتان» پارتياسىنىڭ ورتالىق اپپاراتىنىڭ وكىلدەرى كىردى.

كونكۋرس «جوعارى وقۋ ورنىنىڭ ۇزدىك وقىتۋشىسى» اتاعىن بەرۋ قاعيدالارى مەن بەرىلگەن مەملەكەتتىك گرانتتىڭ جۇمسالۋ باعىتتارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 - جىلعى 17 - اقپانداعى № 235 -قاۋلىسىنا سايكەس ۇيىمداستىرىلدى.

 2014 - جىلى كونكۋرسقا 90 جوعارى وقۋ ورنىنان 545 ادام قاتىستى.

كونكۋرستىق ىرىكتەۋ ناتيجەسىندە «جوعارى وقۋ ورنىنىڭ ۇزدىك وقىتۋشىسى» اتاعىنا 200 ۇمىتكەر انىقتالدى. ونىڭ %39,5 ىن عىلىم دوكتورلارى، %57 ىن عىلىم كانديداتتارى، %3,0 - ىن PhD دوكتورلارى قۇرادى، ولار تەحنيكالىق، پەداگوگيكالىق، مەديتسينالىق، اۋىل شارۋاشىلىق، ەكونوميكالىق، قۇقىقتىق جانە ت. ب. عىلىمدار سالاسىنان.

گرانت جوعارى وقۋ ورنىنىڭ وقىتۋشىلارىنا الەمنىڭ جەتەكشى ۋنيۆەرسيتەتتەرىندە شەتەلدىك تاعىلىمدامادان وتۋگە، وزدەرىنىڭ عىلىمي جانە ءبىلىم بەرۋ جوبالارىن ىسكە اسىرۋعا مۇمكىندىك بەرەدى.

2014 - جىلعى «جوعارى وقۋ ورنىنىڭ ۇزدىك وقىتۋشىسى» اتاعىنىڭ يگەرەلەرىمەن مىنا جەردەن تانىسا الاسىز.