وتكەن 2014 - جىلدىڭ ىڭعايسىز ساتتەرى
اقپاننىڭ 7 - كۇنى وتكەن سوچي وليمپياداسىنىڭ اشىلۋ راسىمىندە رەسەي پرەمەر-ءمينيسترى دميتريي مەدۆەديەۆ ۇيىقتاپ قالدى.
پەتر پوروشەنكونىڭ ۇلىقتاۋ ءراسىمى باستالاردا قۇرمەتتى قاراۋىل ساربازى قاسىنان پرەزيدەنت ءوتىپ بارا جاتقان كەزدە كارابينىن قولىنان ءتۇسىرىپ الىپ، تالىپ قالدى. بۇدان كەيىن تۋ كۇنىنە ارنالعان ءدىني ءراسىم كەزىندە پوروشەنكونىڭ ۇلى شىركەۋدە باسى اينالىپ، قۇلاپ ءتۇستى.
قيسىنسىز پىكىرلەرىمەن تانىمال بولعان ا ق ش مەملەكەتتىك دەپارتامەنتىنىڭ وكىلى دجەن پساكي بريفينگكە ءبىر اياعىنا ەتىك كيمەي كەلدى.
سوچي وليمپياداسىنىڭ اشىلۋ راسىمىندە ەمبلەما ساقينالارىنىڭ ءبىرى اشىلماي قالدى.
نيۋ- يورككە بۇۇ باس اسسامبلەياسىنىڭ وتىرىسىنا ۇشىپ كەلگەن ا ق ش پرەزيدەنتى باراك وباما ونى قارسى العان تەڭىز جاياۋ اسكەرىنە قولىنداعى ءبىر ستاكان كوفەسىن شەكەسىنە تاقاعان كۇيى سالەم بەردى.
ا ق ش پرەزيدەنتىنىڭ تەڭىز جاياۋ اسكەرلەرىمەن سالەمدەسۋى تۇسىرىلگەن بەينە Instagram-داعى اق ءۇيدىڭ رەسمي اككاۋنتىندا جاريالانعاننان كەيىن پرەزيدەنت مازاققا قالدى. اسكەري ءتارتىپ بويىنشا، اسكەري سالەمدەسۋ تەك ەكى قول بوس بولعاندا عانا جاسالۋى كەرەك. ال مۇنداي جاعدايدا وباما سالەمدەسۋدەن مۇلدەم باس تارتۋى كەرەك.
باراك وباما ءسوز سويلەۋگە اشىق ءتۇستى كوستيۋممەن كەلدى. بۇل جايت الەۋمەتتىك جەلىلەردە كوپ تالقىلاندى، وباما 2012 - جىلى Vanity Fair- عا بەرگەن سۇحباتىندا تەك قانا كوك جانە قارا ءتۇستى كوستيۋم كيەتىنىن ايتقان ەدى. پرەزيدەنت وتىرىك ايتقان بولىپ شىقتى.
رەسەي پرەزيدەنتى ۆلاديمير پۋتين ازيا-تىنىق مۇحيتى ەكونوميكالىق ىنتىماقتاستىعى سامميتىندە ادەپسىزدىك ىستەدى، ول ق ح ر ءتوراعاسى سي سزينپيننىڭ ايەلىنىڭ يىعىنا جىلى ورامال جاپتى. بۇل - ىسكەرلىك ەتيكەتتى بۇزۋ، كەيىن بۇل وقيعا قىتاي سەنزورلارىن تالاي اۋرەگە سالدى.
جاڭا زەلاندياعا بارعان گەرمانيا كانسلەرى انگەلا مەركەلدى ماوري حالقىنىڭ امانداسۋ سالتى قاتتى ۇيالتتى. وعان بەلدەمشە كيگەن جارتىلاي جالاڭاش ساربازدارمەن مۇرىن تۇيىستىرۋگە تۋرا كەلدى.
اتاقتى باسكەتبولشى لەبرون دجەيمس كورول حاتتاماسىن بۇزىپ، كەمبريدج گەرسوگينياسىنىڭ يىعىنا قولىن قويىپ بىرگە سۋرەتكە ءتۇستى. ميددلتون تاڭعالىپ كۇلدى، ال ونىڭ كۇيەۋى مۇنى كورمەگەن كەيىپ تانىتتى.
tengrinews.kz
