ينتەرنەتتى ءدۇر سىلكىنتكەن 2014 -جىلعى جانۋارلار - كەسكىندەر
وتكەن مامىر ايىندا امەريكادا ءبىر مىسىق بالانى قاباعان يتتەن قۇتقارىپ قالدى. مىسىق بالانىڭ ءومىرىن ساقتاۋ ءۇشىن ايبارلى يتكە شاپ بەرىپ، ونى ارى قاراي قاشىرىپ جىبەردى.
شاڭسورعىشتان قورىقپايتىن مىسىق تا ەرلىكتىڭ وزىندىك ۇلگىسىن كورسەتكەن ەدى. قوجايىنىنىڭ مۇنداي باتىل مىسىقتى قالاي تاربيەلەگەنى بەيمالىم كۇيدە قالدى.
YouTube جەلىسىندە «ورمەكشى- ءيت» تە رەيتينگتىڭ الدىن بەرمەدى. سيلۆەستر ۆاردەنگ ەسىمدى ازامات ءيتىن الىپ ورمەكشى ەتىپ كيىندىردى. ول ءيت جۇرەتىن جەرلەرگە ورمەكشىنىڭ جاساندى تورلارىن ءىلىپ، ولارعا ادامنىڭ «دەنەلەرىن» ورنالاستىردى. ءوزى مۇنىڭ ءبارىن جاسىرىن كامەرالارعا ءتۇسىرىپ، ازىلگە قارىق بولدى.
نيجني نوۆگورودتاعى اسكەري قۇتقارعان مىسىق تا ينتەرنەتتەگى تانىمال جانۋارعا اينالدى. كوپ قاباتتى ءۇي اۋلالارىنىڭ بىرىندە مىسىق اعاشتىڭ ۇشار باسىنا شىعىپ كەتتى، ونى قۇتقارامىن دەگەن سارباز اۋقىمدى وپەراتسيانى قولعا الدى. الدىمەن مۇز بوپ قاتقان سۋ تولى بوتەلكەنى لاقتىرامىن دەپ، تەرەزەنى سىندىردى، سوڭىندا 20 مەترلىك اعاشتى كەسىپ، ەلەكتر سىمىن ءۇزدى.
قازان ايىندا ينتەرنەتتە قىتاي زووباقتارىنىڭ بىرىندەگى پاندالار تۇسىرىلگەن ۆيدەو حيت بولدى. حايۋاناتتار باعىنىڭ قىزمەتكەرى سىرقاتتانىپ قالعان ەكى پانداعا ءدارى بەرمەك بولادى، ال ولار ءۇزىلدى-كەسىلدى قارسى.
قاراشا ايىندا تاعى ءبىر پاندا عالامدىق جەلىنىڭ جۇلدىزى بولدى، بۇل جولعى حايۋان - كانادالىق.
تامىز ايىندا YouTube-تە بايقال كولىندەگى ولحون ارالىندا تۇسىرىلگەن سەمىز سارىشۇناق پايدا بولدى. كەمىرگىش ءوزى قازعان ىنگە ءوزى سىيماي قالعان. اۆتوكولىكپەن كەتىپ بارا جاتقان ساياحاتشىلار سارىشۇناققا كومەكتەستى.
اۆستراليادا تۇراتىن موپس شۇڭعىلشادا جۋىنىپ، كوپشىلىكتىڭ ىقىلاسىنا بولەندى.
قۇستاردىڭ اراسىنان YouTube جەلىسىندە ادەمى جىميا بىلەتىن ۇكى جۇلدىز اتاندى.
ال مىنا مىسىقتىڭ ونەرى ءتىپتى ەرەكشە. ول كوزىن ءبىر نۇكتەگە قاداپ الىپ، قاتىپ قالا بىلەدى. ونىڭ نازارى ءبىر نارسەگە اۋعان كەزدە سەلت ەتۋى قيىن.
مىنا بەينەروليك افريكادا ءتۇسىرىلدى. ودان ءپىل بالاسىنىڭ وزىنە شابۋىلداعان 14 ارىستاننان قالاي قۇتىلعانىن كورۋگە بولادى.
