ن. نازاربايەۆقا رەسەيدە «جىل ادامى-2014» اتاعى بەرىلدى

استانا. قازاقپارات - ورىس بيوگرافيالىق ينستيتۋتى ەكونوميكالىق ستراتەگيالار ينستيتۋتىمەن بىرلەسىپ، فەدەرالدىق ارنالار مەن ب ا ق- تىڭ قولداۋىمەن قازاقستان پرەزيدەنتى نۇرسۇلتان نازاربايەۆقا رەسەيدەگى «جىل ادامى - 2014» اتاعىن بەردى.

قازاقستان پرەزيدەنتى نۇرسۇلتان نازاربايەۆ ە ا ە و  قۇرعانى ءۇشىن رەسەيدە «جىل ادامى - 2014» اتاندى.

 نۇرسۇلتان نازاربايەۆتان باسقا تاعى ءتورت ەلدىڭ باسشىسى رەسەيدە «جىل ادامى - 2014» اتاندى. ولاردىڭ ىشىندە رەسەي فەدەراتسياسىنىڭ پرەزيدەنتى ۆلاديمير پۋتين، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو ە ا ە و قۇرعانى ءۇشىن، ارمەنيا رەسپۋبليكاسىنىڭ پرەزيدەنتى سەرج سارگسيان - ە ا ە و- مەن ساياسي جانە ەكونوميكالىق بايلانىستى نىعايتقانى ءۇشىن، ق ح ر ءتوراعاسى شي جينپين رەسەي فەدەراتسياسىمەن ەكونوميكالىق جانە ساياسي بايلانىستى نىعايتقانى ءۇشىن ماراپاتتالدى، دەلىنگەن اتالعان ينستيتۋتتىڭ سايتىندا.

 ەسكە سالا كەتەيىك، استانادا مامىر ايىندا قازاقستان، رەسەي جانە بەلارۋس ەلدەرىنىڭ باسشىلارى ماڭىزدى قۇجاتتاردىڭ ءبىرى - ەۋرازيالىق ەكونوميكالىق وداق قۋرۋ تۋرالى كەلىسىمشارتقا قول قويعان. ە ا ە و ءوز جۇمىسىن 2015 -جىلدىڭ 1 - قاڭتارىنان باستايدى دەپ كۇتىلۋدە.

«جىل ادامى» ۇلتتىق پرەمياسىن 1993 - جىلى ورىس بيوگرافيالىق ينستيتۋتى بەكىتكەن.

بۇل ماراپاتقا ەڭبەگىمەن كوزگە تۇسكەن ر ف ازاماتتارى، جەكە اتالىمداردا وزگە ەل وكىلدەرى يە بولا الادى.

 ماراپاتتالعاندارعا لاۋرەات ديپلومى جانە گەورگيەۆ كرەستىنىڭ كوشىرمەسى بولىپ تابىلاتىن كۇمىس كرەست تابىستالادى. وندا التىن ەكى باستى قىران ورنالاستىرىلعان.