ادەبيەت پەن ونەر سالاسىنداعى 2014 - جىلعى ق ر مەملەكەتتىك سىيلىعىنىڭ يەگەرلەرى انىقتالدى

استانا. قازاقپارات - ق ر پرەزيدەنتى نۇرسۇلتان نازاربايەۆ «ادەبيەت پەن ونەر سالاسىنداعى 2014 - جىلعى قازاقستان رەسپۋبليكاسىنىڭ مەملەكەتتىك سىيلىعىن بەرۋ تۋرالى» جارلىققا قول قويدى. بۇل تۋرالى اقوردانىڭ باسپا ءسوز قىزمەتىنەن حابارلادى.

***

ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ ۇسىنىمدارىن قاراپ، قاۋلى ەتەمىن:

1. ادەبيەت پەن ونەر سالاسىنداعى 2014 - جىلعى قازاقستان رەسپۋبليكاسىنىڭ مەملەكەتتىك سىيلىعى مىنالارعا بەرىلسىن:

1) قاجىعالي مۇحانبەتقالي ۇلىنا، جازۋشى - «تار كەزەڭ» تاريحي رومانى ءۇشىن؛

2) گۇلنار سەيىتجان قىزى سالىقبايەۆاعا، اقىن - «كەشىرىڭدەر كەلگەنىمدى ومىرگە» ولەڭدەر جيناعى ءۇشىن؛

3) پانتەلەي كونستانتينوۆيچ كەسوگلۋگە، ءانشى - «پەسنيا - دۋشا مويا» جەكە كونسەرتى ءۇشىن؛

4) بالنۇر بالعابەك قىزى قىدىربەككە، كومپوزيتور - «رەكۆيەم» ۆوكالدى- سيمفونيالىق شىعارماسى ءۇشىن؛

 5) اۆتورلار ۇجىمىنا: اسقار يسابەك ۇلى مىرزاحمەتوۆكە، باقىتجان قۇدايبەرگەن ۇلى اشىربايەۆقا، ناسير اچيلوۆيچ رۋستاموۆقا، ءامىرحان

بەكجان ۇلى شۇمەنوۆكە، نۇرلىجان ماراتبەك ۇلى بوكەبايەۆقا - قازاقستان رەسپۋبليكاسى تاۋەلسىزدىگىنىڭ 20 جىلدىعىنا ارنالعان تاريحي- مونۋمەنتالدىق ساياباق كەشەنى ءۇشىن.

2. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ن. نازاربايەۆ