10:24, 07 - جەلتوقسان 2014 | GMT +6
ماسكەۋدە قازاق اندەرىنىڭ «التىن كۇز-2014» جاستار فەستيۆالى ءوتتى
استانا. قازاقپارات - ماسكەۋدە قازاق اندەرىنىڭ «التىن كۇز-2014» جاستار فەستيۆالى ءوتتى. بۇل تۋرالى مۋز- تۆ تەلەارناسىنىڭ باس ديرەكتورى ارمان داۋلەتياروۆ ءوزىنىڭ Instagram-داعى پاراقشاسىندا حابارلادى.
«ماسكەۋدە قازاق اندەرىنىڭ مۋزىكالىق كونكۋرسى «التىن كۇز-2014» جاستار فەستيۆالى ءوتتى. كونكۋرستىڭ بارلىق قاتىسۋشىلارى مەن ۇيىمداستىرۋشىلارىن وسى تاماشا وتكىزىلگەن ءان مەرەكەسىمەن قۇتتىقتايمىن» ، - دەپ جازدى ول.
قازاق اندەرىنىڭ «التىن كۇز-2014» ماسكەۋ جاستار فەستيۆالى جىل سايىن «مۇراگەر» ماسكەۋ قازاق مادەنيەتى قوعامى مەن «قازاق دياسپوراسى» ماسكەۋ قورى» كوممەرتسيالىق ەمەس ۇيىمىنىڭ ۇيىمداستىرۋىمەن جانە ماسكەۋ قالاسىنىڭ ءوڭىرارالىق ىنتىماقتاستىق، ۇلتتىق ساياسات جانە ءدىني ۇيىمدارمەن بايلانىس دەپارتامەنتىنىڭ جانە قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ، Еvent agency East project جانە رەسەي جوعارى وقۋ ورىندارىنداعى قازاق ستۋدەنتتەرى بىرلەستىگىنىڭ قولداۋىمەن وتكىزىلىپ كەلەدى.
