ينچحون-2014: قازاقستاندىق كاراتەشى كۇمىس جۇلدەگە قول جەتكىزدى
«KAZsport» تەلەارناسىنان تىكەلەي ەفيردە كورسەتكەنىندەي، جارتىلاي فينالدا 2012 - جىلعى ازيا چەمپيونى، يراندىق ناسرين ءدۋستيدى 4:0 ەسەبىمەن ۇتقان ماڭعىستاۋ وبلىسىنىڭ وكىلى، 22 جاستاعى ە. حۋپوۆەتس فينالدا تايبەيلىك ون سەگىز جاسار تسۋي پين كۋمەن كەزدەستى.
بۇل جەكپە-جەكتە تورەشىلەردىڭ بۇيرەگى تايبەيلىك كاراتەشىگە كوبىرەك بۇرىپ، ول ۇپاي سانىمەن جەڭىمپاز بولىپ تانىلدى. ءسويتىپ قازاقستان قورجىنىندا 28 التىن، 23 كۇمىس، 33 قولا، بارلىعى 84 مەدال بار.
ايتا كەتەيىك، بيىلعى ازيادا قورىتىندىسىندا قازاقستاندىقتار ءوز تاريحىندا التىن مەدال جونىنەن رەكوردتىق ناتيجەگە قول جەتكىزدى. وسىعان دەيىن 1994 - جىلى قازاق ەلى العاش قاتىسقان حيروسيما قالاسىنداعى ازيا ويىندارىندا قورجىنعا تۇسكەن 25 التىن جۇلدە ۇزدىك كورسەتكىش سانالىپ كەلگەن ەدى.
بۇل جولى قازاقستاندىق سپورتشىلار جەڭىس تۇعىرىنا الدەقايدا كوپ كوتەرىلىپ، ەلىمىزدىڭ ءانۇرانى 28 رەت وينالدى. ءسويتىپ جالپى كوماندالىق ەسەپتە قازاقستان ۇلتتىق قۇراماسى قىتاي، وڭتۇستىك كورەيا، جاپونيادان كەيىنگى ءوزىنىڭ ۇيرەنشىكتى، ءتورتىنشى ورنىنا (بۇدان ءتورت جىل بۇرىن گۋانجوۋدا قازاقستاندىقتار يراندى العا جىبەرىپ، بەسىنشى ساتىعا جىلجىپ كەتكەن بولاتىن) قايتا جايعاستى.
ال جالپى مەدال سانى جونىنەن 2006 - جىلعى دوحاداعى وزىق كورسەتكىشكە (بارلىعى 85 مەدال) ءبىر عانا جۇلدە جەتپەي قالدى.
اۆتور: ەلجان ەرالى
