09:09, 04 - قازان 2014 | GMT +5
ينچحون-2014: قازاقستان بوكسشىسى قارسىلاستارىن بەت قاراتار ەمەس
استانا. قازاقپارات - ينچحوندا ءوتىپ جاتقان ازيا ويىندارىندا قازاقستان بوكسشىسى يۆان دىچكو ازيادا چەمپيونى اتانۋ ءۇشىن جۇدىرىقتاساتىن بولدى، دەپ حابارلادى ق ر بوكس فەدەراتسياسىنىڭ باسپا ءسوز قىزمەتىنەن.
91 كەلىدەن جوعارى سالماق ساناتىندا ەل نامىسىن قورعاعان يۆان دىچكو ءۇندىستاندىق كمار ساتيشتىڭ فينالعا شىعۋىنا ەش مۇمكىندىك بەرمەدى. شارشى الاڭدا شيراق قيمىلداعان قازاقستاندىق بوكسشىنىڭ الەۋەتىن انىق بايقاعان تورەشىلەر 3:0 ەسەبمەن جەڭىستى يۆانعا بەردى. ەندى ەرتەڭگى وتەتىن شەشۋشى ايقاستا ي. دىچكو يراندىق ياسەم دەلاۆاريمەن جۇدىرىقتاساتىن بولادى.
ايتا كەتەيىك، بۇگىن ءى. سۇلەيمەنوۆ، د. ەلەۋسىنوۆ جانە ءا. نيازىمبەتوۆ اقتىق سىنعا جولداما العان بولاتىن. ال تۇستەن كەيىن ب. جاقىپوۆ، ق. ەراليەۆ، ج. ءالىمحان ۇلى جانە ا. پينچۋك فينالعا شىعۋ ءۇشىن شارشى الاڭعا كوتەرىلەتىن بولادى.
اۆتور: قانات مامەتقازى ۇلى
