13:57, 02 - قازان 2014 | GMT +5
ينچحون-2014: ءا. نيازىمبەتوۆ فينالدا
استانا. قازاقپارات - ينچحوندا ءوتىپ جاتقان ازيا ويىندارىندا قازاقستان بوكسشىسى ادىلبەك نيازىمبەتوۆ فينالعا شىقتى، دەپ حابارلادى ق ر بوكس فەدەراتسياسىنىڭ باسپا ءسوز قىزمەتىنەن.
ازيادانىڭ اقتىق سىنىنا شىققان ءۇشىنشى قازاقستاندىق ادىلبەك نيازىمبەتوۆ جارتىلاي فينالدا يراندىق ەحسان رۋزباحانيمەن كەزدەسكەن بولاتىن. تارتىستى وتكەن كەزدەسۋ بارىسىندا وليمپيادا ويىندارىنىڭ كۇمىس جۇلدەگەرى قازاقستاندىق بوكسشى ءوزىنىڭ قارسىلاسىنان باسىمدىعىن ايقىن تانىتتى. ايتا كەتەرلىگى، بۇعان دەيىن بۇل بوكسشىلار لوندوندا وتكەن وليمپيادا ويىندارىندا، جانە يوردانيادا وتكەن ازيا چەمپيوناتىندا شارشى الاڭدا كەزدەسكەن بولاتىن. وسى 2 كەزدەسۋدە دە ادىلبەك باسىمدىق تانىتقان ەدى.
ءا. نيازىمبەتوۆ ەرتەڭ ازيادا التىنى ءۇشىن شارشى الاڭ قوجايىنى 2011-جىلعى ازيا چەمپيونى حونگك كيممەن جۇدىرىقتاسادى. ول جارتىلاي فينالدا وزبەكستاندىق ويبەك مامۋزۋلۋنوۆتان باسىم ءتۇستى.
اۆتور: مارلان جيەمباي
