13:24, 02 - قازان 2014 | GMT +5
ينچحون-2014: قازاق بوكسشىسى دانيار ەلەۋسىنوۆ تە فينالعا شىقتى
استانا. قازاقپارات - ينچحوندا ءوتىپ جاتقان ازيا ويىندارىندا قازاقستان بوكسشىسى دانيار ەلەۋسىنوۆ فينالعا شىقتى، دەپ حابارلادى ق ر بوكس فەدەراتسياسىنىڭ باسپا ءسوز قىزمەتىنەن.
فەدەراتسيا اقپاراتىنا قاراعاندا، 69 كەلى سالماق ساناتىندا شارشى الاڭعا كوتەرىلگەن جەرلەسىمىز جارتىلاي فينالدا تۇركىمەنستاننىڭ تاجىريبەلى بوكسشىسى، 2009-جىلعى ازيا چەمپيونى سەردار حۋدايبەرگەنوۆپەن كەزدەسىپ، 3:0 ەسەبىمەن باسىم ءتۇستى.
ايتا كەتەيىك، بۇعان دەيىن 52 سالماق ساناتىندا جۇدىرىقتاساتىن بوكسشىمىز ءىلياس سۇلەيمەنوۆ فينالعا شىققان بولاتىن. الدا تاعى 6 سپورتشىمىز جارتىلاي فينالدىق كەزدەسۋىن وتكىزەدى.
اۆتور: مارلان جيەمباي
