ينچحون-2014: قازاقستاندىق بوكسشى ءىلياس سۇلەيمەنوۆ فينالعا شىقتى

الماتى. قازاقپارات - بۇگىن وڭتۇستىك كورەيانىڭ ينچحون قالاسىندا ءوتىپ جاتقان 17- ازيا ويىندارىندا بوكس سايىستارىنىڭ جارتىلاي فينالدىق كەزەڭى باستالدى.

قازاقستاندىق بىلعارى قولعاپ شەبەرى، 2011-جىلعى ازيا بىرىنشىلىگىنىڭ كۇمىس جۇلدەگەرى ءىلياس سۇلەيمەنوۆ (52 كەلى) شارشى الاڭدا جاپوندىق بوكسشى شوتا حاياشيدامەن كەزدەسكەن بولاتىن.

وتانداسىمىز قارسىلاسىن بەت قاراتپاي 3: 0 (30:25، 30:25، 30:25) ەسەبىمەن جەڭىپ، فينالعا شىقتى، دەپ حابارلايدى قازاقستاننىڭ بوكس فەدەراتسياسىنان.

ەرتەڭ ءىلياس ازيادانىڭ التىن مەدالى ءۇشىن 2013-جىلعى ازيا بىرىنشىلىگىنىڭ كۇمىس جۇلدەگەرى وزبەكستاندىق شاحوبيددين زايروۆپەن قولعاپ تۇيىستىرەدى.

اۆتور: جاپپاربەرگەن ايبوتا