14:20, 29 - قىركۇيەك 2014 | GMT +5
ينچحون-2014: قازاقستاندىق بوكسشى جانىبەك ءالىمحان ۇلى العاشقى قارسىلاسىن نوكاۋتپەن جەڭدى
الماتى. قازاقپارات - وڭتۇستىك كورەيانىڭ ينچحون قالاسىندا ءوتىپ جاتقان 17- ازيا ويىندارىندا قازاقستاندىق بىلعارى قولعاپ شەبەرى جانىبەك ءالىمحان ۇلى ءوزىنىڭ (75 ك گ) العاشقى سايىسىن نوكاۋتپەن اياقتادى،
دەپ حابارلادى قازاقستان بوكس فەدەراتسياسىنان.
بوكستان 2013 - جىلعى الەم چەمپيونى 1/8 فينالدا قىتايلىق تايپەيدەن كەلگەن تينگ يانگپەن قولعاپ تۇيىستىرگەن بولاتىن. كوپ سوققىلار جىبەرىپ، ءبىرىنشى راۋندتى ارەڭ اياقتاعان جانىبەكتىڭ قارسىلاسى ەكىنشى راۋندتا تىزە بۇكتى - وتانداسىمىز قاپىسىن تاۋىپ، ءۇستىن- ءۇستىن ۇرعان سوققىلارىمەن دەگەنىنە جەتتى.
ەرتەڭ جانىبەك شيرەك فينالدا يراندىق بوكسشى سادجاد مەحرابيمەن كەزدەسەدى. ول ءوز كەزەگىندە پالەستيندىك فيدا يسلامدى تىزە بۇكتىرگەن بولاتىن.
بۇگىن شيرەك فينالدا كەشكى سەسسيادا ءىلياس سۇلەيمەنوۆ (52 ك گ) وڭتۇستىك كورەيالىق سانگدون چومەن، دانيار ەلەۋسىنوۆ (69 ك گ) موڭعول تۋۆشينبات بۋيامبامەن، ال ادىلبەك نيازىمبەتوۆ (81 ك گ) قىتايلىق اولينگ جانگپەن قولعاپ تۇيىستىرەدى.
اۆتور: جاپپاربەرگەن ايبوتا
