16:55, 23 - قىركۇيەك 2014 | GMT +5
ينچحون-2014: تەننيستەن قازاقستاننىڭ ەرلەر قۇراماسى فينالعا شىقتى
استانا. قازاقپارات - تەننيستەن قازاقستاننىڭ ەرلەر قۇراماسى ازيا ويىندارىندا العاش رەت فينالعا ءوتتى، دەپ حابارلادى ق ر تەننيس فەدەراتسياسىنىڭ باسپا ءسوز قىزمەتىنەن.
بۇگىن وڭتۇستىك كورەيانىڭ ينچحون قالاسىندا ەلىمىزدىڭ كومانداسى وزبەكستان قۇراماسىن 2:1 ەسەبىمەن ۇتتى. باستاپقى ماتچتا قازاقستاندىق الەكساندر نەدوۆەسوۆ قارسىلاسى فاررۋح دۋستوۆتان باسىم ءتۇستى. ەكىنشى ماتچتا ميحايل كۋكۋشكين دەنيس يستومينگە ەسە جىبەرىپ الدى (6:4, 3:6, 4:6).
شەشۋشى جۇپتاسىپ ويناۋ دوداسىندا اندرەي گولۋبيەۆ پەن الەكساندر نەدوۆەسوۆ وزبەكستاندىق دۋستوۆ پەن يستوميندى جەڭدى.
ەندى فينالدىق ويىندا ءبىزدىڭ قۇراما قىتاي مەن جاپونيا اراسىنداعى ماتچتا جەڭىمپاز اتانعان كوماندامەن كەزدەسەدى.
اۆتور: رۋسلان عابباسوۆ
