فۋتبول-2014: يتاليا ۋرۋگۆايدان ۇتىلىپ، توپتان شىعا المادى

جالعىز گولدى ويىننىڭ 81- مينۋتىندا ديەگو گودين سالدى.
ايتا كەتەيىك، ەكى كوماندا دا پلەي- وففقا شىعۋ مۇمكىندىگىنە يە بولعان ەدى. دەگەنمەن شەشۋشى كەزدەسۋدە ۋرۋگۆايلىقتار يتاليا قۇراماسىن تىزە بۇكتىرىپ، كەلەسى كەزەڭگە جولداما الدى. يتاليا قۇراماسىنىڭ توپتان شىعا الماۋى فۋتبول الەمىندە سەنساسياعا (تاڭعاجايىپ جاڭالىق) باعالانىپ وتىر.
بۇل توپتىڭ فاۆوريتتەرى انگليا مەن يتاليا، كوستا- ريكا مەن ۋرۋگۆايعا جول بەرىپ، توپتىق كەزەڭدى ەڭسەرە المادى.
يتاليا فۋتبول قۇراماسىنىڭ باس باپكەرى چەزارە پراندەللي الەم چەمپيوناتىندا كومانداسىنىڭ ۋرۋگۆايلىقتاردان جەڭىلىسىنەن سوڭ وتستاۆكاعا كەتتى، دەپ حابارلايدى «ر- سپورت» اگەنتتىگى.
سونداي- اق، يتاليا فۋتبول فەدەراتسياسىنىڭ پرەزيدەنتى دجانكارلو ابەتە دە ءوز ورنىن بوساتۋعا شەشىم قابىلدادى.
ەسكە سالا كەتسەك، يتالياندىقتار ۋرۋگۆايلىقتاردان 0:1 ەسەبىمەن جەڭىلىپ، الەم چەمپيوناتىنىڭ 1/8 فينالىنا وتە الماي قالدى. ولار ءوز توبىندا كوستا- ريكا جانە ۋرۋگۆاي كوماندالارىن العا سالىپ، ءۇشىنشى ورىندى يەلەندى.