فۋتبول-2014: انگليامەن تەڭ تۇسكەن كوستا- ريكا پلەي- وففقا ءبىرىنشى ورىنمەن شىقتى

سىلبىر وتكەن ويىندا قارسىلاستار ەسەپ اشا المادى - 0:0.
بۇنىڭ الدىندا يتاليا مەن ۋرۋگۆايدى ايقىن باسىمدىقپەن جەڭگەن كوستا- ريكا D توبىندا ءبىرىنشى ورىن الدى. بۇل توپتىڭ فاۆوريتتەرى انگليا مەن يتاليا، كوستا- ريكا مەن ۋرۋگۆايعا جول بەرىپ، توپتىق كەزەڭدى ەڭسەرە المادى.
ال الەم چەمپيوناتى اياسىندا بىردە- ءبىر گول سالماي، 1 ۇپايمەن توپتىڭ سوڭعى ورىندارىندا كەلگەن گرەكيا قۇراماسى، يۆۋارلىقتار قاقپاسىنا الدىمەن گول سالىپ، پلەي- وففقا شىعار جولداماعا ءبىرتابان جاقىنداعان ەدى. گول اۆتورى - اندرەاس ساماريس. الايدا افريكالىقتاردىڭ شابۋىلشىسى بوني ۆيلفريد 74-مينۋتتا ەسەپتى تەڭەستىرە الدى جانە گرەكيالىقتاردىڭ ءۇمىتىن سۋ سەپكەندەي باستى.
ءبىراق سوڭعى سەكۋندتاردا باس قازى افريكالىقتاردىڭ قاقپاسىنا پەنالتي بەلگىلەدى جانە ونى ساماراس مۇلتىكسىز ورىنداپ، گرەكيالىقتاردى پلەي- وففقا شىعاردى.
وسى ويىننان كەيىن گرەكيا 4 ۇپاي جيناپ، الەم چەمپيوناتىنىڭ پلەي- وفف سىنىنا وتە الدى. ول كەزەڭدە گرەكيا كوستا- ريكامەن كەزدەسەتىن بولادى.
ايتا كەتەيىك، С توبىندا كولۋمبيا 9 ۇپايمەن كوش باستاپ، 1/8 فينالعا شىقتى. وعان 4 ۇپايمەن ەكىنشى ساتىعا كوتەرىلگەن گرەكيا قوسىلدى. جاپونيا مەن كوت ديۆۋار دوپ دوداسىنان تىس قالدى.