08:07, 23 - ماۋسىم 2014 | GMT +5
فۋتبول-2014: ا ق ش قۇراماسى پورتۋگاليادان ءبىر ۇپايدى جۇلىپ الدى
استانا. قازاقپارات - بۇگىن برازيليادا فۋتبولدان الەم چەمپيوناتىندا ا ق ش كومانداسى پورتۋگاليالىقتارمەن تەڭ وينادى.
بۇل ويىندا ءسوزسىز پورتۋگاليا قۇراماسى فاۆوريت بولعان. وسى اتاقتى ولار ءبىرىنشى تايمدا 5-مينۋتتا- اق اقتاپ، ويىندا ەسەپ تە اشقان بولاتىن. ونىڭ اۆتورى - ناني.
دەگەنمەن، ەكىنشى تايمدا 63-مينۋتتا امەريكالىق فۋتبولشى دجەرمەين دجونس ەسەپتى تەڭەستىرسە، 81-مينۋتتا كلينت دەمپسەي ءوز قۇراماسىن العا شىعاردى. الايدا بۇل ەسەپتى ولار ۇستاي المادى، 95-مينۋتتا ۆارەلا ەسەپتى 2:2 گە جەتكىزدى.
وسىلايشا G توبىندا ا ق ش كومانداسى سەنساسيالىق جاعدايدا (ويلاماعان جەردەن) 4 ۇپايمەن گەرمانيامەن بىرگە كوش باستاۋدا. ودان كەيىن 1 ۇپايمەن گانا مەن پورتۋگالدىقتار تۇر.
