05:58, 14 - ماۋسىم 2014 | GMT +5
مۋنديال-2014: اۋستراليا كومانداسى چيلي قۇراماسىن جەڭە المادى - كەسكىن
استانا. قازاقپارات - الەم چەمپيوناتىنىڭ توپتىق كەزەڭىندە اۋستراليا فۋتبولشىلارى چيلي قۇراماسىن جەڭە المادى.
ويىن 3:1 ەسەبىمەن وڭتۇستىك امەريكالىقتاردىڭ پايداسىنا اياقتالدى.
ماتچتىڭ باسىندا 12 جانە 14 مينۋتتارىندا گول سالىپ ۇلگەرگەن چيليلىكتەر ويىندا ۇلكەن باسىمدىققا يە بولدى.
دەگەنمەن اۋستراليالىقتار جىگەرلەرىن جاني ءبىلدى. كەزدەسۋدىڭ 34-مينۋتىندا تيم كەحيلل ەسەپتى 2:1 گە جەتكىزدى. ءتىپتى ويىنداعى ەسەپتى تەڭەستىرىپ كەتۋگە دە مۇمكىندىك بەرەتىن تالاي ساتتەر بولدى. ءبىراق اۋستراليالىقتاردىڭ باعى جانبادى.
ەكىنشى تايمنىڭ سوڭىندا جان بوسەجۋر چيلي قۇراماسىنىڭ ەنشىسىنە تاعى ءبىر گولدى جازدى.
اۋستراليا ءوز توبىندا يسپانيامەن بىرگە سوڭعى ورىنداردا تۇر. چيلي بولسا، نيدەرلاندىمەن بىرگە 3 ۇپايدان قورجىنعا سالدى.
اۆتور: جاسۇلان جولدىبايەۆ
