ءاچ-2014: گەرمانيا برازيليانى 7:1 ەسەبىمەن ويسىراتىپ، فينالعا شىقتى - كەسكىن

استانا. قازاقپارات - بۇگىن برازيليادا ءوتىپ جاتقان فۋتبولدان الەم چەمپيوناتىنىڭ جارتىلاي فينالدىق باسەكەسىندە برازيليا گەرمانيا قۇراماسىنان 1:7 ەسەبىمەن جەڭىلىس تاپتى.
None
None

بەلۋ-وريزونتي قالاسىنداعى "مينەراۋ" ستاديونىندا وتكەن ماتچتىڭ نەبارى 30 مينۋتى ىشىندە گەرمانيالىقتار 5 گول توعىتىپ، الاڭ يەلەرىن مەڭىرەۋ كەيىپكە ءتۇسىردى.

گول اۆتورلارى: توماس ميۋللەر (11-مينۋت) ، ميروسلاۆ كلوزە (23-مينۋت) ، توني كرووس (24 جانە 26-مينۋتتاردا) ، سامي حەديرا (29-مينۋت).

ەكىنشى تايمدا كلوزەنى الماستىرعان اندرە شيۋررلە دۋبل اۆتورى اتانىپ، ەسەپتى 7:0 گە جەتكىزدى. ويىننىڭ سوڭعى مينۋتىندا برازيليالىق ويىنشى وسكار ءوز كومانداسىنىڭ "جەتىم" گولىن سالىپ، ەسەپتى از دا بولسا قىسقارتا الدى.

ايتا كەتەيىك، بۇل كەزدەسۋگە برازيليالىقتاردىڭ كوشباسشىسى تياگۋ سيلۆا مەن كوماندانىڭ ۇزدىك شابۋىلشىسى نەيمار الاڭعا شىعا الماعان بولاتىن.

ال ميروسلاۆ كلوزە الەم چەمپيوناتتارىندا 16-گولىن سالىپ، الەمدىك رەكوردقا قول جەتكىزدى. بۇنىڭ الدىندا ول برازيليالىق شابۋىلشى رونالدومەن بىرگە وسى رەكوردتى ءبولىسىپ كەلگەن بولاتىن.


سوڭعى جاڭالىقتار