رەسەيلىك رۋبل 2014-جىلدى دوللار قاراعاندا 41 پايىزعا جانە ەۋرودا - 34 پايىزعا تومەندەۋمەن اياقتادى

استانا. قازاقپارات - 2014-جىلدىڭ قورىتىندىسىمەن دوللارعا رۋبل باعامى %41 عا جانە ەۋروعا - %34 عا تومەندەدى، بۇعان ماسكەۋ بيرجاسىنىڭ مالىمەتتەرى دالەل.

بيرجاداعى ساۋدا-ساتتىقتىڭ سوڭعى كۇنىن دوللار 56 رۋبلمەن، ەۋرو - 68,65 رۋبلمەن اياقتادى، ال 2013-جىلدىڭ سوڭىندا بۇل كورسەتكىشتەر تيىسىنشە 32,84 رۋبل جانە 45,33 رۋبل بولعان ەدى، دەپ حابارلادى ر ي ا نوۆوستي.

دوللار مەن ەۋرونىڭ رەكوردتى ەڭ جوعارى كورسەتكىشى 16- جەلتوقساندا بولدى، وندا باعام 80,1 رۋبل جانە 100,74 رۋبل مەجەسىنە جەتتى.

ءرۋبلدىڭ قۇلدىراۋىنىڭ باستى سەبەبى بىرنەشە جىل بويى بايقالماعان مۇناي باعاسىنىڭ تومەندەۋى بولدى. تاعى ءبىر ماڭىزدى فاكتور - ۋكرايندىق داعدارىس سالدارىنان رەسەي مەن باتىستىڭ تەكەترەسى. مۇنى ءبىرقاتار ساراپشىلار قازىردىڭ وزىندە جاڭا «قىرعي- قاباق سوعىس» دەپ اتادى.