ەۋروپادا جۇمىس ىستەيتىن ميگرانتتار 2014 - جىلى وتاندارىنا 109 ميلليارد دوللار اۋدارعان - ب ۇ ۇ

استانا. قازاقپارات - 2014 -جىلى ەۋروپادا جۇمىس ىستەيتىن ميگرانتتار ءوز وتاندارىنا 109 ميلليارد ا ق ش دوللارىن اۋداردى. اتالعان قاراجات الەۋمەتتىك جاعدايى تومەن 150 ميلليون ادامعا كومەكتەستى.

بۇل تۋرالى اۋىل شارۋاشىلىعىن دامىتۋ حالىقارالىق قورىنىڭ جاڭا بايانداماسىندا حابارلاندى، دەپ جازادى ب ۇ ۇ- نىڭ جاڭالىقتار ورتالىعى.

رەسەي، ۇلى بريتانيا، گەرمانيا، فرانسيا، يتاليا جانە يسپانيا ەلدەرىنەن ميگرانتتاردىڭ اقشا اۋدارىمدارى كوبىرەك بولعان. رەسەيدە جۇمىس ىستەگەن ميگرانتتار 2014 - جىلى ءوز تۋعان- تۋىستارىنا 20,6 ميلليارد ا ق ش دوللارىن جىبەرگەنى جازىلادى.

ەۋروپا ەلدەرىندە جۇمىس ىستەگەن بارلىق اقشا اۋدارىمدارىنىڭ ۇشتەن ءبىر بولىگى 19 ەلگە - بالقان، بالتىق جانە شىعىس ەۋروپاعا جىبەرىلگەن. قالعان ۇشتەن ەكى بولىگى نەگىزىنەن سولتۇستىك افريكا جانە ورتالىق ازيا ەلدەرىنىڭ ەنشىسىندە.

اۋىل شارۋاشىلىعىن دامىتۋ حالىقارالىق قورى ەۋروپانىڭ بارلىق ەلدەرىنە ميگرانتتاردىڭ اقشا اۋدارۋ جۇيەسىن جەڭىلدەتىپ، ولاردىڭ باعاسىن قولجەتىمدى ەتۋگە شاقىردى.