ا. ەسىموۆ: الماتى قالاسىنىڭ سالىق ورگاندارىنىڭ باستى مىندەتى - 2014 - جىلى 1,5 ترليون تەڭگە سالىق جيناۋ

الماتى. قازاقپارات - بۇگىن الماتىدا قالا اكىمى احمەتجان ەسىموۆتىڭ توراعالىعىمەن قازاقستان رەسپۋبليكاسىنىڭ سالىق قىزمەتى كۇنىنە وراي ارنايى وتىرىس ءوتتى. كەڭەس بارىسىندا 2014 - جىلدىڭ العاشقى جارتى جىلدىعىنىڭ قورىتىندىسى جاريالاندى.
None
None

 الماتى قالالىق سالىق دەپارتامەنتىنىڭ جەتەكشىسى جايدار ىڭكاربايەۆتىڭ ايتۋىنا قاراعاندا، بارلىق كەدەندىك اكەلىم باجىن قوسقاندا الماتى قالاسى بويىنشا العاشقى جارتى جىلدىقتاعى سالىقتىق تۇسىمدەردىڭ جالپى كولەمى 635 ميلليارد تەڭگەنى نەمەسە قابىلدانعان جوسپاردىڭ 105,5 پايىزىن قۇراعان. بۇل وتكەن جىلدىڭ وسى كەزەڭىمەن سالىستىرعاندا 14,7 ميلليارد تەڭگەگە ارتىق.

 بيۋدجەتتىڭ قۇرىلىمى بويىنشا، سالىق ورگاندارىنىڭ قۇزىرەتىنە كىرەتىن كىرىستەر بويىنشا مەملەكەتتىك بيۋدجەتكە تۇسكەن تۇسىمدەردىڭ كولەمى 477 ميلليارد تەڭگەنى قۇراعان. جوسپار بويىنشا قول جەتكىزىلگەن ورىندالىم - 105,2 پايىز. الماتى قالاسىنان مەملەكەتتىك بيۋدجەتكە تۇسەتىن سالىقتىق تۇسىمدەردىڭ ۇلەسى 30 پايىزدى قۇرايدى.

 الماتى قالاسىنىڭ اكىمى سالىق قىزمەتكەرلەرىن كاسىبي مەرەكەلەرىمەن قۇتتىقتاپ، وڭتۇستىك استانانىڭ سالىق ورگاندارىنىڭ باستى مىندەتى 2014 - جىلى شوعىرلاندىرىلما بيۋدجەتكە سالىق جانە باسقا دا مىندەتتى تولەمدەر تۇرىندە 1 ترليون 500 ميلليارد تەڭگە جيناۋ كەرەكتىگىن اتاپ ءوتتى.

 بۇل ءۇشىن مۇمكىندىكتەر جەتكىلىكتى. الدىن العى دەرەكتەر بويىنشا العاشقى جارتى جىلدىقتا قالا ەكونوميكاسىنىڭ بارلىق سالاسىندا دامۋ قارقىنى جوعارى دەڭگەيدە بولعان. ال بۇل سالىق بازاسىن ەداۋىر كەڭەيتە تۇسپەك. سونداي- اق سالىقتىق اكىمشىلىك ەتۋ جۇيەسىندە دە رەزەرۆتەر جەتكىلىكتى.

«سالىق كودەكسىنە ەنگىزىلگەن سوڭعى تۇزەتۋلەر مەن وزگەرىستەر جايىندا ءتۇسىندىرۋ جۇمىستارىن كۇشەيتۋ قاجەت. بۇل وزگەرىستەر ەلىمىزدە جۇرگىزىلىپ جاتقان ەكونوميكالىق جاڭعىرتۋلار مەن جاڭادان قابىلدانىپ جاتقان مەملەكەتتىك باعدارلامالارعا بايلانىستى ەنگىزىلىپ وتىر. سىزدەردىڭ اقىل- كەڭەستەرىڭىز بۇگىندە بيزنەس ءۇشىن وتە ماڭىزدى» ، - دەدى ءسوز سوڭىندا احمەتجان ەسىموۆ.

اۆتور: جاپپاربەرگەن ايبوتا

سوڭعى جاڭالىقتار