باس پروكۋرور: 2013 - جىلى قازاقستانعا شەتەلدەن 200 ميلليون دوللار قايتپاي قالعان
بۇل تۋرالى بۇگىن زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا باس پروكۋرور اسحات داۋىلبايەۆ ءمالىم ەتتى.
جيىن بارىسىندا باس پروكۋرور قارجى مونيتورينگى كوميتەتىنىڭ كۇدىكتى مامىلە جانە قارجى وپەراتسيالارى تۋرالى ماتەريالداردى جيناقتاۋ مەن تالداۋ بويىنشا جۇمىس تيىمدىلىگىنىڭ تومەندىگى، سونداي-اق ۋاكىلەتتى ورگانداردىڭ ۆاليۋتانى شەتەلدەن قايتارۋدى قامتاماسىز ەتۋ بويىنشا لايىقسىز جۇمىسىن اتاپ كورسەتتى.
حالىقارالىق ساراپشىلاردىڭ پىكىرىنشە، كەيىنگى ون جىل ىشىندە قازاقستاننان كاپيتالدىڭ وففشورلىق ايماقتارعا جىلىستاۋى 140 ميلليارد دوللاردى قۇراعان. جەكە تۇلعالار جىل سايىن شامامەن 1,5 ترلن. تەڭگە شىعارادى.
"شەتەلدەگى وتاندىق قاراجاتتاردى قايتارۋعا قۇزىرلى ورگانداردىڭ جۇمىسى تيىستى دەڭگەيدە ۇيىمداستىرىلماعان. 2013 - جىلى قازاقستانعا شەتەلدەن 200 ملن. دوللار قايتپاي قالدى"، - دەدى ول.
اۆتور: جاسۇلان جولدىبايەۆ
