زىلتەمىرشى وتەشوۆتىڭ 2012-جىلعى وليمپياداداعى جەتىستىكتەرى تالاپقا ساي ەمەس بولىپ شىقتى

استانا. قازاقپارات - حالىقارالىق وليمپيادا كوميتەتى دوپينگپەن بايلانىستى سىنامالاردى قايتا تەكسەرۋدەن وتكىزگەن سوڭ قازاقستاندىق اۋىر اتلەت الماس وتەشوۆتىڭ لوندونداعى جەتىستىكتەرىن جوققا شىعاردى.

2012-جىلى وتكەن وليمپيادادا قازاقستاندىق اۋىر اتلەت 94 كەلىگە دەيىنگى سالماقتا 7-ورىنعا تابان تىرەدى. ح و ك لوندونداعى وليمپيادا مەدالدارىنا سونداي-اق اۋىر اتلەتتەر اناتوليا كىرىكۋدى، كريستينا يوۆانى (ەكەۋى دە موداۆيالىقتار)، يرينا كۋلەشتى (بەلارۋس) جانە ريپسيمە حۋرشۋدياندى (ارمەنيا) مەدالدارىنا لايىقتى ەمەس دەپ تاپتى.

يوۆا (53 كەلىگە دەيىن)، كىرىكۋ (84 كەلىگە دەيىن)، كۋلەش (75 كەلىگە دەيىن) جانە حۋرشۋديان (75 كەلىدەن جوعارى) لوندوندا ءوز سالماقتارىندا قولا جۇلدەگە يە بولعان بولاتىن.

تەكسەرۋ كەزىندە يوۆا مەن كىرىكۋدان تۋرانيبول، كۋلەش پەن حۋرشۋجياننان تۋرينابول مەن ستانوزولول تابىلدى. اتالعان سپورتشىلارعا قاتىستى سانكتسيالاردى ودان ءارى ءتيىستى حالىقارالىق فەدەراتسيالار قابىلداۋلارى كەرەك.