يۋان باعامى 2011 -جىلعى جازداعى دەڭگەيگە دەيىن ءتۇستى

وسىلايشا، قىتاي ۆاليۋتاسى 137 تارماققا نەمەسە 2 پايىزعا - 2011 - جىلعى شىلدەدەگى دەڭگەيگە دەيىن ارزاندادى.

يۋاننىڭ ارزانداۋى 2014 - جىلعى جازدا باستالدى، ەڭ كۇرت تومەندەۋ 2015 - جىلعى تامىزدا ورىن الدى - يۋان ءۇش كۇن ىشىندە 2, 813 تارماققا نەمەسە 4,6 پايىزعا قۇلدىرادى، دەپ اتاپ وتەدى ر ي ا نوۆوستي.

دوللارعا قاتىناسى بويىنشا يۋاننىڭ ورتالىق پاريتەتتىك باعامى ءار جۇمىس كۇنى بانك ارالىق نارىقتىڭ اشىلۋىنا دەيىن ماركەتمەيكەرلەر ۇسىنعان ورتاشا ولشەمدى باعاعا نەگىزدەلەدى.

 قىتاي ۆاليۋتاسى 2005 - جىلى جازدا نىعايا باستاعانعا دەيىن دوللارىنا 8,3 يۋانعا جۋىق تۇراقتى بەلگىدە ۇزاق تۇردى. 2008 - جىلعى كۇزدەن باستاپ يۋان جىلعا جۋىق 6,8 دەڭگەيىندە ۇستالدى - 2009 - جىلعى قىركۇيەكتە قايتا وسە باستادى.

ح ۆ ق اتقارۋشى كەڭەسى 30 - قاراشادا يۋاندى 2016 - جىلعى 1 - قازاننان باستاپ دوللار، ەۋرو، فۋنت سترەلينگ جانە يەن كىرەتىن SDR قورجىنىنا ەنگىزۋ شەشىمىن قابىلدادى. قور شەشىمى حالىقارالىق ساراپشىلار مەن تالداۋشىلاردىڭ كۇتكەنىمەن سايكەس كەلدى، ولار جاھاندىق ساۋدادا قىتايدىڭ ءرولىن تانۋ قاجەتتىگىن ايتقان بولاتىن.