ب ۇ ۇ-نىڭ كليمات جونىندەگى كونفەرەنسياسى: 2010 - 2019 -جىلدار ەڭ ىستىق كەزەڭگە اينالدى
نۇر-سۇلتان. قازاقپارات - عالىمدار 2010 - 2019 -جىل ارالىعىنداعى ورتاشا تەمپەراتۋرا باقىلاۋ ەنگىزىلگەلى بەرگى ەڭ ىستىق كەزەڭ بولاتىندىعىنا ەش ءشۇبا كەلتىرمەي وتىر، دەپ حابارلايدى BBC.
مادريدتە ءوتىپ جاتقان كليمات بويىنشا سامميتتەگى دۇنيەجۇزىلىك مەتەرولوگيالىق ۇيىمنىڭ الدىن الا دەرەكتەرىنە قاراعاندا، 2019 -جىل - عالامشاردا تەمپەراتۋرانى ولشەۋ قولعا الىنعالى بەرگى ەڭ ىستىق بولعان ەكى نەمەسە ءۇشىنشى جىلدىڭ ءبىرى.
ەگەر وسى ءۇردىس جالعاسا بەرسە، 2015-2019 -جىلدار ەڭ ىستىق بەسجىلدىققا اينالماق.
بۇل اتموسفەراعا پارنيكتىك گازدىڭ ۇدايى جيناقتالۋىنىڭ سالدارى.
بۇل ۇيىمنىڭ جاھاندىق جىلىمىق بويىنشا 2019 -جىلدىڭ قازان ايىنا دەيىنگى ەسەبىندە ايتىلدى. اتالمىش كەزەڭدە ورتاشا تەمپەراتۋرا 1850 -جىلمەن سالىستىرعاندا 1,1 گرادۋسقا جوعارىلاعان.
