دونالد ترامپ 200 مىڭ دوللار كەپىلمەن بوساتىلدى

None
Фото: instagram.com/realdonaldtrump
استانا. قازاقپارات - دونالد ترامپتىڭ سايلاۋ ناتيجەسىنە ارالاسۋعا وقتالۋ ءىسىن جۇرگىزىپ جاتقان امەريكانىڭ دجوردجيا شتاتىنىڭ سۋدياسى ەكس- پرەزيدەنتتى 200 مىڭ دوللارعا كەپىلمەن بوساتۋ جونىندە شەشىم قابىلدادى، دەپ حابارلايدى قازاقپارات BBC- گە سىلتەمە جاساپ.

ترامپ پەن تاعى 18-ايىپتالۋشى جۇما كۇنى تۇسكە دەيىن اتلانتا شتاتىنىڭ استاناسىنا فۋلتون وكرۋگىنىڭ سوتىنا كەلۋى ءتيىس.

ترامپ وسى ءىس بويىنشا وزىنە تاعىلعان ايىپتى جوققا شىعارىپ وتىر.

كەپىل تۋرالى شەشىمدە دونالد ترامپتىڭ كۋاگەرلەرگە سەس كورسەتپەي، سوتقا دەيىن بوستاندىقتا قالۋىنا رۇقسات ەتىلگەن.

«ايىپتالۋشى وزىنە بەلگىلى جانە وسى ءىس بويىنشا جاۋاپكەرلەر نەمەسە كۋاگەرلەر سانالاتىن ادامدارعا قاتىستى قورقىتپاۋعا نەمەسە سوت تورەلىگىن ىسكە اسىرۋعا وزگە دە تاسىلمەن كەدەرگى كەلتىرمەۋگە ءتيىس. جوعارىدا اتالعاندارعا الەۋمەتتىك جەلىلەردەگى جازبالار نەمەسە باسقا ادامداردىڭ الەۋمەتتىك جەلىلەردەگى جازبالارىن رەپوست جاساۋ دا كىرەدى»، - دەلىنگەن دۇيسەنبى جاريالانعان شەشىمدە.

دونالد ترامپ دۇيسەنبىدە ءوزىنىڭ Truth الەۋمەتتىك جەلىسىندە رەسپۋبليكاشىل برايان كەمپتى قولداعان دجوردجيا گۋبەرناتورىنا قاتىستى رەپليكا جىبەرگەن.

ءىس ماتەريالدارىنا سايكەس، 2020 -جىلدىڭ جەلتوقسانىندا، سايلاۋدان كەيىن ترامپ كەمپكە (جانە شتاتتىڭ باسقا جوعارى شەنەۋنىكتەرىنە) قوڭىراۋ شالىپ، سايلاۋ ناتيجەسىن ءوز پايداسىنا قايتا قاراۋدى تالاپ ەتكەن، ءبىراق ولار باس تارتقان.

سوتتىڭ كەپىل تۋرالى شەشىمىنە سايكەس، ترامپ وسى ءىس بويىنشا باسقا ايىپتالۋشىلارمەن تەك ادۆوكاتتىڭ قاتىسۋىمەن بايلانىسا الادى.

«ويلاپ كورىڭىزشى! بەيسەنبىدە مەن سولشىل راديكال وكرۋگ پروكۋرورى فاني ۋيلليس مەنى قاماۋعا الۋى ءۇشىن دجوردجيا شتاتىنىڭ اتلانتا قالاسىنا بارامىن»، - دەپ جازدى ترامپ الەۋمەتتىك جەلىسىندە.

دجوردجياداعى ىستەن بولەك، دونالد ترامپقا قارسى تاعى ءۇش ءىس قوزعالدى.

ول ا ق ش قازىرگى جانە بۇرىنعى پرەزيدەنتتەرى اراسىندا قىلمىستىق ءىس بويىنشا ايىپتالعان تۇڭعىش ادام.

77 جاستاعى ترامپ كەلەسى جىلى وتەتىن پرەزيدەنت سايلاۋىنا قاتىسپاقشى جانە رەسپۋبليكالىق پارتيادان ۇمىتكەرلەر اراسىندا كوش باستاپ كەلەدى.

پرەزيدەنتتىككە كانديداتتىڭ پارتياىشىلىك سايلاۋى، پرايمەريز قاڭتاردا باستالادى.

ەسكە سالايىق، اق ءۇيدىڭ بۇرىنعى باسشىسى دونالد ترامپقا جالپى 38 بولىك بويىنشا ايىپ تاعىلدى، ونىڭ ىشىندە مەملەكەتتىك ماڭىزى بار قۇپيا قۇجاتتاردى زاڭسىز ساقتاعانى، ەرەسەكتەرگە ارنالعان فيلمدەر اكتريساسى ستورمي دەنيەلسكە ەشكىمگە ەشتەڭە ايتپاۋى ءۇشىن اقشا تولەگەنى، سونىمەن قاتار نەسيە الۋ ءۇشىن جەكەمەنشىك باعاسىن كوتەرىپ كورسەتكەنىنە قاتىستى الاياقتىق ءىسى بار.

پرەزيدەنت سايلاۋىنىڭ ناتيجەسىن جويۋعا تىرىسۋ ءىسى بويىنشا تەرگەۋ جالعاسىپ جاتىر.

سوڭعى جاڭالىقتار