11:40, 03 - تامىز 2023 | GMT +5
تاۋلىگىنە 200 بانكا: تۇلكىباستىق كاسىپكەر كوكونىس جاۋىپ، مول تابىس تاۋىپ وتىر
استانا. قازاقپارات - تۇركىستان وبلىسى تۇلكىباس اۋدانىنداعى جاسكەشۋ اۋىلىنىڭ تۇرعىنى قاتيرا الدابەرگەنوۆا قايتارىمسىز گرانت اياسىندا كونسەرۆىلەنگەن ونىمدەردى شىعارۋ كاسىبىن قولعا العان.

بۇگىندە ءوندىرىس ورنىندا جالپى سانى بەس ادام تۇراقتى جۇمىسپەن قامتىلعان. كاسىپكەر تاۋلىگىنە 200 بانكا كونسەرۆىلەنگەن ءونىمدى ساتىلىمعا شىعارىپ وتىر.
كاسىپكەردىڭ ايتۋىنشا، اۋداندا وسەتىن كوكونىستەر مەن جەمىس-جيدەكتەردىڭ بارلىق ءتۇرىن كونسەرۆىلەيدى. ءوندىرىس ورنىندا ءتاتتى توساپتار جاسالىپ، قيار تۇزدالادى.
قاجەت كوكونىستەر ءوز باقشاسىنان الىنادى جانە دايىن بولعان ونىمدەر وبلىستىڭ باسقا اۋداندارى مەن قالالارىنا جونەلتىلەدى ەكەن.
قاتيرا الدابەرگەنوۆا الداعى ۋاقىتتا ءوندىرىس كولەمىن ارتتىرۋ ماقساتىندا مەملەكەتتىك قولداۋلارعا جۇگىنىپ، كاسىبىن ۇلعايتۋعا نيەتتى. سونداي-اق، ول جوسپارى ىسكە اسقان جاعدايدا قوسىمشا تاعى 10 ادامدى تۇراقتى جۇمىسپەن قامتىپ، اۋىل حالقىنىڭ الەۋەتىن ارتتىرۋعا ءوز ۇلەسىن قوسپاق.
Massaget.kz