سانجار تاشكەنباي ءانۇران شىرقالاردا 200 مىڭ دوللاردى جەرگە تاستاي سالعان - ۆيدەو
سانجار تاشكەنباي ءانۇران باستالاردا قولىن جۇرەك تۇسىنا قويۋ ءۇشىن 200 مىڭ دوللاردى جەرگە قويا سالعان. جەلى قولدانۋشىلارى بوكسشىنىڭ وسى ارەكەتىن بايقاپ، ءتانتى بولعان.
«200 مىڭ دوللاردى جەرگە تاستاي سالدى عوي، جارايسىڭ»
«قولىن كەۋدەسىنە قويۋ ءۇشىن اقشانى جەرگە قويا سالدى، جارايسىڭ، ازامات ەكەنسىڭ تاشكەنباي!»
«قانشاما ەلدىڭ الدىندا سۋىرىلىپ شىعىپ، قازاقتىڭ ءانۇرانىن شىرقاتتى، جارايسىڭ باۋىرىم»، - دەيدى ۆيدەونى كورگەن جەلى قولدانۋشىلارى.
بوكستان الەم چەمپيوناتىندا تاعى ءبىر كۇتپەگەن جاعداي بولدى. ماراپاتتاۋ راسىمىندە قازاقستان ءانۇرانى قوسىلعان بولاتىن. الايدا ءانۇران ورتاسىندا ءوشىپ قالعان. ءبىراق قازاقستاندىق جانكۇيەرلەر وعان قاراماستان ءانۇراندى سوڭىنا دەيىن ورىنداپ شىققان.
بۇل ۆيدەونى كورگەن جەلى قولدانۋشىلارى قازاقستاندىق جانكۇيەرلەردىڭ ارەكەتىنە ءتانتى بولعان.
«قازاقستان جانكۇيەرلەرىنە وتە ريزا بولدىم». «كوزگە ەرىكسىز جاس كەلدى»، - دەيدى جەلى قولدانۋشىلارى.
ەسكە سالايىق، 13-مامىردا تاشكەنتتە وتكەن الەم چەمپيوناتىندا سانجار تاشكەنباي الەم چەمپيونى اتاندى. وتانداسىمىز فينالدا گرۋزين بوكسشىسى ساحيل الوحۆەردوۆيدى جەڭدى.
48 كەلىگە دەيىنگى سالماقتاعى جەكپە-جەكتە سانجار ايقىن جەڭىسكە جەتتى. تورەشىلەر ءبىراۋىزدان قازاق بوكسشىسىن جەڭىمپاز دەپ تانىدى.