پرەزيدەنتتىككە كانديدات سالتانات تۇرسىنبەكوۆا: 200 دەي ازاماتتىڭ قولىن ءوزىم جينادىم

اۋەلى ول ءوزىن پرەزيدەنت سايلاۋىنا كانديدات رەتىندە ۇسىنعان «قازاق انالارى - داستۇرگە جول» رەسپۋبليكالىق قوعامدىق بىرلەستىگىنە العىس ءبىلدىرىپ، سەنىمدەرىن اقتايتىنىن جەتكىزدى.

«مەن پرەزيدەنت سايلاۋىنا ۇمىتكەر رەتىندە سوڭعى كۇنى قۇجات وتكىزگەنىمىزدى بىلەسىزدەر. وعان دەيىن وڭىرلەردىڭ ءبارىن ارالاپ، مەنىڭ كانديداتۋرامدى ۇسىنعان انالاردىڭ بارىمەن كەزدەسىپ، شالعايداعى اۋىلعا دەيىن بارىپ، «مەن شىنىندا دا دا لايىقپىن با» دەگەن سۇراققا جاۋاپ ىزدەدىم. سودان كەيىن بارىپ مەن قۇجات تاپسىرۋ تۋرالى شەشىم قابىلدادىم»، - دەدى ول و س ك كۋلۋارىندا.

ۇمىتكەر ءوزىن كانديدات رەتىندە تىركەۋگە قاجەت داۋىستى نەگىزىنەن «قازاق انالارى - داستۇرگە جول» رەسپۋبليكالىق قوعامدىق بىرلەستىگىنىڭ جەرگىلىكتى فيليالدارى جيناعانىن اتاپ ءوتتى.

«بۇل ۇجىمنىڭ ءبىزدىڭ 20 وڭىردە فيليالدارى بار. اۋىلداعى انالار، اتالار، اكەلەر ۇيىمدارى، جاس ازاماتتار ءبارى مەنى تانىعاننان كەيىن قول جيناۋعا ۇلكەن ۇلەس قوستى. ارينە، مەنىڭ ءوزىمنىڭ دە پاراقتى الىپ، داۋىس جيناۋعا شىققان كەزدەرىم بولدى. شتابتاعى ۇيلەستىرۋ جۇمىسىنا كوڭىل كوبىرەك بولگەننەن كەيىن ءبىر 200 دەي قول جينادىم»، - دەدى سالتانات تۇرسىنبەكوۆا.

ەسكە سالساق، و س ك سالتانات تۇرسىنبەكوۆانىڭ كانديداتۋراسىن ماقۇلداعان ەدى.